مواضيع جديدة

الخميس، 14 أكتوبر 2010

عذرا ايها المدونون


منذ فترة وأنا متوقف عن التدوين .. قد يكون أن المناخ مش بيشجع على التدوين .. أو إحساسى تجاه المدونين انهم بدأوا يتساقطوا واحد تلو الأخر .. أم أن السبب هو الفيس بوك الذي أخذ الناس من البلوجر إلى الفيس بوك .. ثم سيتنقلوا قريبا من الفيس بوك إلى موقع أخر.

فالشعب المصري تجده مترابط الأكتاف والأعناق .. خاصة في الأمور النتيه .. فبدأ النت بموقع الاهرام ومصراوى ..ثم ظهرت الايميلات .. وأصبح الشات هو الشغل الشاغل للشباب.. ثم تطور الموضوع ووجد كل شخص مكان ليعبر له عن نفسة وهو المنتديات .. فأخذت المنتديات حظا شديدا من الاعجاب أتجهوا اليه .. ثم ظهرت المدونات والشعور بخصوصية الموقع .. ثم أتى الفيس بوك .. فجمع الناس كبيرهم وصغيرهم حول إتجاة واحد .. ثم تدور الدائرة مرة أخرى وينتهى عصر الفيس بوك .. ويظهر عصر التويتر .. ثم بعد ذلك يظهر عصر نفرتيتى وهكذا.

وبما أنى واحد من هذا الشعب فأنا اتطور بتطور الشعب إلى الأمام .. ولكن دائما ما نعود إلى الذكريات القديمة .. فنعود إلى المنتديات .. ونعود إلى المدونات .. فقد تذكرت المدونين واجتماع المدونين ورؤيتهم .. والناس اللى تعرفت عليه من خلاله .. فقد تعرفت فعلا على خير الناس .. وأنفعهم من الجانب الثقافى والفكرى والاجتماعى والأخلاقى .. فقد أستفدت منهم الكثير والكثير .. وأنا اقول الان أن لولا فضل الله .. ثم المدونين .. كان زمانى بقشر بصل الوقتى.

أقدم العذر الواجب لكل مدون .. فأنا قصرت في حقكم جميعا .. ولكنى أوعدكم أنى سأعود بقوة بأذن الله ... أما من يقول " لية لية .. ما انت كنت كويس .. هترجع تانى تبوظ دماغ الناس " ... الرد : ايوة .. عجبك ولا لأ.

وتكون الاعادة يوم 14 أكتوبر 2010 .. وانا اتمم في خلال ساعات سن 21 سنة يعنى بقيت" كامل الاهلية" عند الحكومة والحمد لله .

وفى هذا اليوم حدث 3 أحداث مهمة جدا .. فيصادف يوم ميلاد حسن البنا .. هو نفس اليوم الذي تولى فيه الرئيس محمد حسنى مبارك الرئاسة .. هو نفس اليوم الذي ولدت فيه... دا يوم كله بركة

الرجاء من كل من دخل الى المدونة الرد ولو حتى قال أحم .. حتى يتثنى لى تسجيل المدونات

21 فكوا معايا:

فاتيما يقول...

طيب
احم احم احم

انا اتنحنحت تلاتة اهو

حمدلله ع السلامة
و انتا كويس
و كنت كويس
و لسه كويس يا بنى


عودا حميداً
ان شاء الله

و عذرك معاك

من عقل قلبي يقول...

أحم أحم
كل سنه وحضرتك دايما بخير
إنت المفروض تعمل حاجات كتير الوقتى خلاص بقي ممكن تطالب بأى حقوق ليك وبراحتك بقيت قانونى وكمان انت المفروض النهارده تتولى حكم الجمهوريه الملكيه مصر الحبيبه

واحد وعشرين سنه بقي وعقبال ماتبقي أد بابا حسنى

أما بالنسبه للتطور
فأى مكان تثبت فيه نفسك هو ده المكان اللى فيه التطور الحقيقي وده اللى بيتغير للاحسن مش بيتنقل لمكان تانى
والمدونه ليك ولأفكار وبتخرج فيها كل اللى انت عاوزه يبقي ده الأصل
ولما تفضل متمسك بيه كل المدونين اللى سقطوا هيرجعوا تانى

وحمدله ع السلامه


ودى مدونتى الجديده
ياريت تشرفنى
ومتسبش التدوين لانه دنيا جميله وافكارها حيه

عذرك معاك
وفك براحتك خالص
أمانى
الحلم البعيد

غير معرف يقول...

حمدا لله على السلامة
أنا قيمت أو انتقدت مدونتي،ممكن أنت كمان تقيم مدونتك
http://shayunbiqalbi.blogspot.com/2010/10/2.html

gogo!sf يقول...

يا ابنى انت بقى جبتلى العصبى على الصبح كل اما ادخل عندك افضل ادور على مكان التعليقات ارسى على مكان واحد

اما بالنسبه للبوست فحضرتك اول الناس لجاء لجوء كلى على الفيس بوك
ونسيت كل اللى بينك وبين مدونتك
ماكنش العشم يا درش

بس بصراحه انا شخصيا مش عاجبنى واذا كان عاجب حضرتك ههههههههه

طبعاً يعجبنا وتنور يا درش باشا
انا بجد وحشتنى بوستاتك اللى دمها خفيف زى معاليك

واخيراً بقى كل سنه وانت طيب وعيد ميلاد سعيد عقبال مليون سنه وانت طيب وبخير ياقمر

قول يحنن بقى ههههههههه

بجد كل سنه وانت طيب يا مصطفى سعيد انك هترجع تهتم بالتدوين والمدونه من تانى
بس ده مش يمنع انك تهتم بالفيس بردو

يعنى خليك محايد بين الاتنين
وربنا يوفقك ويسعدك يارب يا درش


صباحو ابيض يا قمر

gogo!sf يقول...

لاء يا تيما عذرة مش معاه
ده مع الفيس بوك

صباحك سكر يا تيما ياقمر

سورى يا درش
لاء بقى من غير سورى بس
انا شكلى جايه اجر شكلك على الصبح ولا ايه
انا همشى يا عم كفايه كده
ههههههههههههه
صباحك سكر يا مصطفى

عمرو يسرى يقول...

احم احم احم دستور
كل سنه وانت طيب

غير معرف يقول...

شكرا على البوست

اقدم عاصمه فى الحب يقول...

السلام عليكم

متباع من زمان اوى
وعلى طول بزورك هنا كتير ومش بيبقى فيه وقت فعلا انى ازور وأعلق فى نفس الوقت
بكتفى بقراءه الموضوع والاستمتاع بيه وبس
عموما
انا هنا على طول
فليتك لا تترك القلم التدوينى ابدا
فانا متابع لكل ما يخطه من زوبعات كتابيه
ودى وإحترامى :)

Darsh Basha يقول...

فاتيما
ازيك اخبارك اية .. اهم حاجة قبل الدخول النحنحه.

الله يسلمك
الحمد لله كويس زى ما انا

Darsh Basha يقول...

من عقل قلبي
ازيك يا حلم البعيد
انا هعمل اية يعنى
هعمل كابتشينوا وادخل انام
دة اخرى .. وانتى طيبة

Darsh Basha يقول...

Sonnet
الله يسلمك يا سونات
وانا هقيم ان شاء الله المدونة
وفكرة حلوة التقييم دى

هحاول اعملها

Darsh Basha يقول...

gogo!sf
أزيك يا جوجو
وانت طيب يا جميل
بس ادعيلى ان مرجعش فى كلامى
وافضل كدة على طول
لغاية ما نشوف الجيش ونظامة

Darsh Basha يقول...

عمرو يسرى
اتفضل ياعمر مفيش حد قالع راسة
وانت طيب يا عموووووووور

Darsh Basha يقول...

يوميات شحات
لا شكر على بوست

Darsh Basha يقول...

اقدم عاصمه فى الحب
طبعا عارف انك متابع على طول ياباشا
ودةشرف ليا انك تزور مدونتى
وكل سنة وانت طيب ياباشا

Wohnungsräumung Wien يقول...

Thanks for it .. I hope the new Topic is always

Wohnungsräumung يقول...

Le succès .. J'espère que le nouvel écran est toujours

Entrümpelung يقول...

Succès ... S'il vous plaît noter les nouveaux sujets toujours

Umzug Wien يقول...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

entrümpelung wien يقول...


Vielen Dank ... Wo neue Themen?

Räumung wien يقول...


مدونة مميزة
كل تقدير واحترامى لكم ... :)

ترتيبى