فك زنقة

الشعب يريد مصطفى محمد

2011-04-23T01:39:00.000+02:00

انا من زمان اوى جدا خالص ... مدخلتش المدونة .. يعنى من ايام حسنى مبارك .... خاصة انى فى اخر موضوع ليا.. لازك لحسنى وبعده بكام يوم قامت الثورة ... ومقعدتش الا لما خلعتة .. فانا ايام الثورة بصراحة خالص .. مكنتش فى ميدان التحرير ... بس كنت لازق فى ميدان المحافظة فى المنصورة ... احنا الناس اللى كانت مهضومة حقها فى الاعلام .. والجزيرة مجتلناش الا مرتين كدة.

بعد الثورة بقى .. كان الواحد عندة كمية كلام نفسة يطلعة من اعماق قلبة ... سواء عن الفرحة اللى حصلت وانا واقف مكنتش مصدق نفسى .. والجنان اللى حصلى ساعتها وانا واقف بين الناس ... فكانت تعتبر اكبر فرحة حصلت فى حياتى ..حتى والله كانت اكتر من فرحة نجاحى فى الثانوية العامة او التخرج .. والخلع من الجيش ... والصراحة مطلوبة جدا الوقتى ... انا بقى ... فضلت متنح حوالى كام اسبوع عامل زى الواحد اللى كان واقف فى أمانة الله .. وواحد ضربة بعصاية امن مركزى فضل واقف متنح .

ولما بدأت افوق شوية بشوية من الغيبوبة ... قلت بقى اكتب بقى واطلع كل اللى جوايا ... المستخبى والمستنيل على عينة.. فبدأت فى موضوع ... لقيت موضوع تانى دخل فية ... وهكذا ... فمكنتش بكمل موضوع على بعضة ... فحسيت ان الثورة كانت كبيرة اوى عليا لدرجة انى مش عارف اكتب فيها حاجة.

وفاتت أيام وليالى وبعدين قلت اكتب عل الفيس بوك .. وفعلا كتبت على الفيس بوك موضوع كامل والحمد لله ... وبدأت استعيد عافيتى ودخلت المدونة تانى علشان اكتب ... وادخل الاقى لوحة التحاكم اتبعترت والحاج جوجل احتفل بالثورة .. وغير نظام تحكم المدونة من جوة.

لا وبدور فى المواضيع الجديدة لقيت شيماء " الشعب لابد له من حكومة تشكمة" رجعت للكتابة مرة تانية فى المدونة بتاعتها بعد انقطاع ظل عام متواصل عن اجتماعات المدونين .. والمدونة ...لتتخلى عن رأيها الاول .. وتعمل موضوع اسمة مبقاش فية حكومة تشكم الشعب... والواحد يبعد كام شهر يرجع يلاقى الدنيا اتغيرت واتبهدلت كمان.

بس برضة انا ليا حق اتصدم ياجماعة ... واحد طول عمرة ميعرفش غير تلاتة .. ابوة وامة ومبارك .. واحد يروح فجأة كدة ويدخل السجن كمان ... لسة بنحاول نستاوعب ... وكمان انا افتكرت موضوع انا كنت كاتبة قبل كدة فى هذا الحلم ... وكان أسمة "لمؤخذا انا مصرى" ... وكمية الردود عليها اليائسة مثلى ... ثم بعد حوالى عام وبضع شهور .. يتحقق هذا الحلم ... بل أزدادت الحقيقة عن الحلم الكثير والكثير.

معلش بقى انا رغيت كتير اوى .. ودى مش طبيعتى اساسا ... ويعتبر انى انا أخر واحد اتكلمت عن الثورة ... بس انا حبيت استعيد معاكم هذه الذكريات التى لا تنسى.

معلش نسيت أقولكم ... فى مجموعة من البشر عاملين مظاهرة علشان يرجعوا الرئيس تانى يوم 25 ابريل ... هو صحيح انة ممكن يحكمنا من سجن طرة ... بس مش مشكلة ... بس الراجل دة لازم يرجع ويبقى رئيس ... استنى بس من غير ما تشتم ... السبب ياجماعة .. ان المظاهرات بعد مبارك معدش ليها طعم ... الواحد بقى بيطلع يقولة كلمتين ويرجع ينام فى بيتهم ... فين ايام الغاز المسيل للدموع ... ولا الرصاص المطاطى ... ولا البلطجية والملتوف ... فين ايام الثورة الاكشن ... كان فية اثارة وتشويق .. كان الواحد حاسس انة أحمد السقا فى فيلم "الرصاصة مازلت فى بطنى" .. مش الثورة بتاعة اليومين دول ... تحس كدة انها ثورة رومانسية.

بخاف ياريس

2010-12-23T01:18:00.002+02:00

بعد أن كنت الأخير الذي أنضم إلى الحزب الوطني الديمقراطي .. الذي اكتسح بأغلبية ساحقة في مجلس الشعب وقال فيها الشعب كلمته .. وهو بكامل قواه العقلية ... وأختارونى لألقى كلمة أمام الرئيس في مؤتمر الحزب السنوي .

والأن أنا أقف على منصة الكلام لأبدأ بالتحدث عما في قلبي من قصائد حب للسيد الرئيس ... فقد ذهب التوتر أخير وبدأت ترجع الثقة بالنفس لأبدأ الكلام والتحدث.

" السلام عليكم سيدى الرئيس .. السلام عليكم ايها السادة الكرام وأخص بالسلام صاحب أول تفجير في أول ثورة للإنسان المتطور ...وحتى لا أطيل على سيادتكم .. أريد أن أقول تجربتي مع الحزب ... أنا أول ما سمعت أغنية (الحزب الوطني في مصلحتك )وبدأ قلبي يتحرك تجاه الحزب .. وسعيت إلى البحث عن المصلحة الموجودة في الحزب لأجد ما قدم الحزب الوطني لمصلحتي ....

صمت

عذرا سيادة الرئيس فقد نسيت ما حفظوني إياه وما أملوه علي ... قد يكون لأنني لا استطيع أن أحفظ ما لا يدخل قلبي وعقلي ... ومن الممكن أن أكمل تجربتى مع الوطن مما يحفظه قلبي عن ظهر قلب ... سيدي الرئيس قبل أن أتكلم .. أطلب من سيادتكم الأمان ... فنحن يا سيادة الرئيس لا نطلب أكثر من هذا ... أصل أحنا ياريس بنخاف ... بنخاف من كل حاجة حوالينا ... بنخاف من حياتنا كلها.

أحنا ياريس بنخاف ناكل .. أصل ياريس الأكل مرشوش مواد مسرطنة ... ونص شعبك بقى قاعد فى 57357 خايف ياريس أنى أكون من النص التانى اللى هيحْصلهم ... دا الكلام دة لو لقيت الأكل فعلا ياريس..أحنا قاطعنا اللحمة ...علشان مرتبنا ميجبش غير اتنين كيلو لحمة .. بس الحمد لله هما طمنونا وقالولنا أن اللحمة مضره جدا بالصحة ..

بخاف كمان ياريس أنى أشرب ... أصل ياريس الماية بتاعتنا لامؤخذا داخل عليها شوية ماية صرف صحى ... وجابت لبقيت الشعب تليف ع الكبد ... وكبدنا باظ ياريس ...قالولنا هنا فى الحزب علشان تطمن على مستقبل ولادك ... وانا مش عارف أطمن على مستقبلى ياريس ... خايف دايما م المستقبل .. خايف أن أجى فى يوم أفتح الحنفية ... الاقى اثيوبيا سحبت الماية اللى عندنا بشفاط ... وواحد طالع يقولى "لقد نفذ رصيدكم".

خايف ياريس أنى أتكلم ... وأقول أنى مش عارف أكل ولا أشرب ... أتمسك بتهمة أزعاج السلطات.. وشغل الطريق العام .. وتعطيل المواصلات ... خايف أجى ماشى فى طريق ... ياخدونى تشابة أسماء مع حد .. ويدخلوى المعتقل ... وينسونى جوة ... لعلمك ياريس قانون الطوارئ ... بيخلى أى ظابط يمسك أى حد .. علشان مزاج سيادتة مش مظبوط ... خايف ياريس أن الاقى فى نص الليل .. باب الشقة بيتفتح عليا ...مش حرامى هيخش عليا ... ولكن يخش عليا ناس من أمن الدولة تخدنى من ع السرير على المعتقل ... من بين أهلى وناسى ... وأتحط في حتة محدش يعرف عنى حاجة.

خايف ياريس أن بعد اللى هشوفة من الأكل والشرب والتعذيب فى المعتقلات .. ملقيش حتة فى مستشفى تلمنى ... فيرمونى فى الطرقة بتاعتها ... اصل الشعب كلة معدش بينام الا فى المستشفيات.

بخاف أنى أشم الهوا اللى حواليا .. ويبوظ الجهاز الوحيد اللى باقى عندى وهو الجهاز التنفسى .. بعد ما باظ الجهاز الهضمى من الأكل والشرب .. خايف أركب قطار يتحرق أو يتقلب بيا .. أو أركب عبارة تغرق وانا فيها ... خايف أن الكهربا تقطع .. لأن الغاز اللى بيشغلها رايح لأسرائيل .

بخاف أوى ياريس ... عارف ياريس بعد دة كله ... أنا مش عاوز حاجة ... الا حاجة واحدة بس ... "انا عايز وطن ياريس" ... عايز وطن أعيش فية .. أحس بية ويحس بيا .. لما اغنيلة تبقى الاغنية طلعة من قلبى مش كلام على لسانى ... لما أخرج منة .. يبقى هموت وأرجعلة تانى ... مش عايز أحس أنى عايز اطفش منة بأى طريقة حتى لو هاتعرض فيها للموت .. هو دة طلبى الوحيد ياريس.

أنا عالم العلماء

2010-11-07T13:22:00.000+02:00

الإنسان بطبيعته يحب أن يمشى على هواه .. ووراء ما تهواه نفسه وتشتهيه

مرة واحد صاحبى .. كل ما يجى يتكلم يقولى " انا بعد ما التزمت .. ثم يكمل حديثه".

ما يشدنى في الأمر وصف الانسان لنفسه بأنه ملتزم .. مش عارف ازاى الواحد يشوف انه ملتزم .. يعنى بقى ملتزم بكل ما جاء في الدين بحازفيره .. دون أن يخطئ.

الكلمه هذه انتشرت في الفترة الاخيرة جدا .. كل واحد يربى دقنه ويقصر ثيابه ويصلى العصر حاضر .. بقى ملتزم .. وأصبح احد العلماء والقادر على افتاء الناس ... ويكون الناصح للأخرين غير الملتزمين- من وجهة نظره-.

فهو لا يسمع لهذا الفاسق .. الغير ملتزم بأومر الله - تربيه اللحيه وتقصير الثياب - لأنه لا يفقه شئ في الدين .. ولم يطلق الناس عليه كلمة شيخ حتى الآن.

لا أعلم هل الالتزام أصبح لحيه وتقصير ثياب وسماع لشيوخ فضائيات .. انا لا أقلل من شأن أى شئ من هذا .. ولكن عندما يقتصر الدين على هذا فقط .. فالأمر يصبح مشكلة كبيرة جدا.

أذا مدحك الناس بأنك شيخ أو ملتزم .. فهذا من فضل الله عليك .. أما أذا رأيت في نفسك هذا .. فهذا من غضب الله عليك .. فأول من تُسعر بهم النار يوم القيامه ..منهم قارئ للقرآن .. كان يحفظ من أجل أن يقال عنه قارئ أو حافظ أو شيخ أو ملتزم أو عالم .

وللعلم نوعان .. علم شرعى للعوام .. وهو العلم الذي يرفع الحرج عن الرجل العادى أمام الله سبحانه وتعالى .. ويجعلة يلتزم بكل ما يقدر عليه .. من أمور عقائديه وأمور فقهيه.

أما العلم الشرعى لطلاب العلم .. فهو ليس لرفع الحرج فقط .. وانما هو لاستنباط الاحكام وللتشريع.. وهذا يتطلب اشياء كثيره مثل الذكاء والتعب والفطنه والغربه وطول زمن البحث عن الأمور الشرعيه ..فيظل العالم طالب للعلم حتى لووصل إلى أرزل العمر.

فمثلا طالب العلم يدرس علم الحديث وعلم الرجال .. ليقدر أن يثبت أن هذا الحديث صحيح أم ضعيف أم منكر وخلافه .. اما العامى .. فيتعلم شرح هذا الحديث وماهو المقصود منه ويأخذ الحديث كما هو.

كذلك في الفقه .. قد يكون هناك حكم لمسأله معينه .. وتجد أن الفتوى تخالف الحكم .. فليس معنى ذلك أن تكون الفتوى هي الحكم ..أو أن تكون الفتوى هو رأى مخالف للحكم الأصلى .. بل هي استثناء.. فقد يفتى الشيخ لشخص بفتوى .. ويفتى لشخص أخر بفتوى مخالفه للفتوى الأولى في نفس القضيه.

الدين له شُعب كثيره .. وعلم لا ينتهى .. فأذا اعتقدت أنك أحط بكل ما في الدين بالعلم فأنت مخطئ... فلا تتعلم من أجل أن تجادل الناس أو من أجل أن يقولوا عالم .. وانما تعلم لتصل أوامر الله إلى عباد الله .. فالعلم حجة عليك يوم القيامه وليس زيادة في دينك .. ولكنك عملك به هو من ينجك من النار ويدخلك الجنه .. فالجنة والنار بالعمل وليس بالعلم.

أزهى عصور المهلبية

2010-10-20T16:57:00.003+02:00

في هذه العصور التي تضئ للإنسان أمر حياته .. وإتباع الأفكار المضيئة ليلا .. في بلادنا .. واستخدام الديمقراطية الليبرالية العلمانية الرأسمالية الاشتراكية الشيوعية الامبريالية الفضائية للأنتاج وتوزيع الألبان .. والضخامة الدرامية التي نطألق دائما بها.

مثل هيفاء وهبى التي أثبتت بالأدله والبراهين أن لا فرق بين المصري واللبناني إلا بالفلوس .. وأن المصري معروف بجبروته .. وغيرت موازين القوى في الدولة.

ونانسي عجرم التي تهتم بأمور الفقراء والمساكين وتلبس الملابس المقطعة تقطيع من فوق ومن تحت .. لتشعر الناس بيتمها وفقرها في شراء تيشيرت غير مقطع.

أما في الوسط المصري الفني .. تتألق وربى لترسخ عند المصريين .. الحضارة الفرعونية القديمة .. وتحببها إليهم .. بعمل فيديو عند الحاج ابوالهول.

والفكر الإعلامى الجديد المتحضر .. مثل ما يمثل أفكار جمال البنا .. صاحب أكبر شمعة في مصر .. والذى يحمل الفكر التنويرى إلى الأمة وجعل 3 صوابع سجاير في اليوم للتنوير في الظلام حلال ومباح .. وخالد يوسف منقذ الفقراء .. ومحطم قلوب العذارى .. والساعي وراء وحدة الصف ويثبت بأن الجميع منبطح على منهج سياسي واحد.

وفى ظل كل هذه الأنوار المضيئة أمام مصر جميعها.. يأتي هؤلاء الظلاميون .. الذين يشجعون الناس على أتباع الأخلاق الحميدة .. ويريدون أن يدخلون و يجعلوا من مصر الحبيبه .. بلد للحب و الأخلاق والرحمه والتألف بين الناس ويدعون إلى عبادة الله .. والطريق إلى سعادة الناس .

أنهم الظلاميون .. الذين يفعلون كل ذلك .. لا يدرون بأن هذه الأمور تؤدى إلى خلخلة الوضع العام .. وضرر للقمل القومي .. وتهديد للقلب نظام الحكم .. وإنا لله وإنا إليه راجعون .. ولذلك خوفا على هذا الشعب المسكين الذي لا يعرف مصلحته فين .. ستغلق كل هذه القنوات من أجل مصلحة الوطن والمواطنين .. فلأن الشعب يحتاج إلى أن يعرف مصلحته .. فحكومتنا –جزاها الله- تقول له دائما أن الضرائب مصلحتك أولا .. وأن الحزب الوطنى في مصلحتك .. وأنها تمنع وتغلق لأنها تعلم أن الشعب شعب مستهتر وليس عنده وعى سياسي ولا أجتماعى ولا حتى قنواتى ... فوجب على الحكومة .. أن تمحو من أمامه ما يفسد أخلاقه الحميدة.

عذرا ايها المدونون

2010-10-14T16:47:00.008+02:00

منذ فترة وأنا متوقف عن التدوين .. قد يكون أن المناخ مش بيشجع على التدوين .. أو إحساسى تجاه المدونين انهم بدأوا يتساقطوا واحد تلو الأخر .. أم أن السبب هو الفيس بوك الذي أخذ الناس من البلوجر إلى الفيس بوك .. ثم سيتنقلوا قريبا من الفيس بوك إلى موقع أخر.

فالشعب المصري تجده مترابط الأكتاف والأعناق .. خاصة في الأمور النتيه .. فبدأ النت بموقع الاهرام ومصراوى ..ثم ظهرت الايميلات .. وأصبح الشات هو الشغل الشاغل للشباب.. ثم تطور الموضوع ووجد كل شخص مكان ليعبر له عن نفسة وهو المنتديات .. فأخذت المنتديات حظا شديدا من الاعجاب أتجهوا اليه .. ثم ظهرت المدونات والشعور بخصوصية الموقع .. ثم أتى الفيس بوك .. فجمع الناس كبيرهم وصغيرهم حول إتجاة واحد .. ثم تدور الدائرة مرة أخرى وينتهى عصر الفيس بوك .. ويظهر عصر التويتر .. ثم بعد ذلك يظهر عصر نفرتيتى وهكذا.

وبما أنى واحد من هذا الشعب فأنا اتطور بتطور الشعب إلى الأمام .. ولكن دائما ما نعود إلى الذكريات القديمة .. فنعود إلى المنتديات .. ونعود إلى المدونات .. فقد تذكرت المدونين واجتماع المدونين ورؤيتهم .. والناس اللى تعرفت عليه من خلاله .. فقد تعرفت فعلا على خير الناس .. وأنفعهم من الجانب الثقافى والفكرى والاجتماعى والأخلاقى .. فقد أستفدت منهم الكثير والكثير .. وأنا اقول الان أن لولا فضل الله .. ثم المدونين .. كان زمانى بقشر بصل الوقتى.

أقدم العذر الواجب لكل مدون .. فأنا قصرت في حقكم جميعا .. ولكنى أوعدكم أنى سأعود بقوة بأذن الله ... أما من يقول " لية لية .. ما انت كنت كويس .. هترجع تانى تبوظ دماغ الناس " ... الرد : ايوة .. عجبك ولا لأ.

وتكون الاعادة يوم 14 أكتوبر 2010 .. وانا اتمم في خلال ساعات سن 21 سنة يعنى بقيت" كامل الاهلية" عند الحكومة والحمد لله .

وفى هذا اليوم حدث 3 أحداث مهمة جدا .. فيصادف يوم ميلاد حسن البنا .. هو نفس اليوم الذي تولى فيه الرئيس محمد حسنى مبارك الرئاسة .. هو نفس اليوم الذي ولدت فيه... دا يوم كله بركة

الرجاء من كل من دخل الى المدونة الرد ولو حتى قال أحم .. حتى يتثنى لى تسجيل المدونات

أبويونس من العاصيه

2010-08-28T12:02:00.000+02:00

بقلم : مصطفى محمد

* انه الوزير حسن يونس وزير الكهرباء .. والذى ظل سنين في كرسى الوزراه لا أحد يسمع عنه .. لتكون صوره الان هو رقم واحد الذى تتصدر جميع الصحف والمجلات والجرائد .. فأصبح كنجم الشباك ..وأصبح الان لا أحد لا يعرف أسمه

* بعد أن طمئنه الحاج عبدالحكيم سيادة الوزير حسن يونس وزير الكهرباء على أرضه المكونه من 70 فدان _اللهم لا حسد_وأن الفلاحين فيها

شغالين تمام .. بدون أى تعب .. ثم يذهبون إلى بيوتهم في الليل ليجدوا أن سيادة الوزير الذين يعملون في أرضه من صباحية ربنا .. قد كافئهم بقطع الكهرباء عنهم أيضا طوال الليل في هذا الجو شديد الحرارة .. فلم يستطيع صميدة الفلاح فتح (الكمبروتر) الخاص به ليقوم بالشات مع بنت الجيران .. أو ليتفقد أحوال الرعية في الخارج.

* يزداد غضب صميده ثم يدعو بدعائه المشهور عنه دائما .. عندما يجد اى مشكلة تحدث .. فكما دعا من قبل عندما وجد الجو يمطر بين اشعة الشمس فقال" الله يخرب بيت الحكومة خلت الدنيا تمطر والشمس طالعه".. فيرفع يديه إلى السماء ليدعو ع الحكومة بأنها تنزاح بعيد عننا .. ولكن يبدو أن الحكومة فيها شئ لله .. لا يؤثر فيها أى دعاء.

* يجلس الجميع في هذا الظلام الذى يملئ الاجواء .. وسيادة الوزير يجلس في المكيف ليقدر على استماع العاشرة مساء لواحدة .. بدون أن يستمع إلى مكالمات تحرق دمة وتتكلم عن قطع الكهرباء في الجمهورية.

المصدر: مجلة شخبطه

تبصير العامة فى امور الثانوية العامة

2010-07-18T14:12:00.002+03:00

عزيزي طالب الثانوية العامة الراغب في الدخول إلى كلية الطب مباشرة .. حتى وان كان "طب انتساب" .. فحقك أن تدخل إلى كلية من كليات القمة التي تزيد عن 90%ولا تدخل كلية من كليات القمامة الهابطة المنحطة التي تقل عن 90% .

أعلم إن هذا ليس ذنبك ولكن ذنب ثقافة توارثت منذ الأجيال القديمة .. وهى "روح لأم مجموع كبير يحتار عدوك فيك" .. فيعتبرونك مثل الفلاشة الـ8 جيجا ..تقدر على تحمل قدر كافي من الإحياء والفيزياء والمواد الأخرى .. لتضعها في الامتحان ..ثم بعد ذلك "تفرمت"هذه الفلاشة ..فلا يهم أن تكون طبيبا ناجحا أو طبيبا فاشلا .. المهم أن تكون طبيبا.

فبعد أن تقع في الفخ الذي نُصِب لك .. وتدخل كلية الطب – لا قدر الله – وتكتشف أنك في ظل تضيع سبع سنوات من عمرك مقابل أن تخرج لا شئ .. سواء من تعليم أو عمل .. فبعد هذه السنوات الطوال والمرمطة في الكلية بين سكاشن ومحاضرات وامتحانات .. لا تخرج إلا بمسمى "الدكتور".. ثم بعد ذلك ترى خريج الإعدادية الذي يقف في الصيدلية ليبيع الأدوية .. أسمة أيضا دكتور مثلك.

بل أصبح مجموع الثانوية العامة أيضا يتحكم في الزواج .. فلا يستطيع شاب خريج كلية من كليات القمامة .. أن يتزوج فتاه من كليات القمة .. بحجة أن بينهم فارق مجموع في الثانوية ... فأصبحت البنت الآن تتزوج "لمجموعها".

فالنجاح والفشل في نظرنا يقف أمام مجموع الثانوية العامة .. ومن فشل ودخل كلية من الكيات الهابطة فقد كتب علية أن يظل فاشل أمام المجتمع وإن كان ناجحا في حياته.. ومن أتى بمجموع عالي في الثانوية ظل ناجحا إمام المجتمع وإن كان فاشلا .. ولذلك تجد الدموع تملئ العيون بعد النتيجة .. للإحساس بأن الفشل قد وصل إليهم.

بعد أن انتهيت من قصة الثانوية العامة .. أحب أن أقول لك .. كن نفسك وتخلص من قيود المجتمع وثقافته المختلفة .. فأنت قد تدخل كلية اقل من مجموعك بكثير .. لكن تكون ناجحا فيها أكثر .. فدراسة القانون في الدول المتقدمة هي اغلي دراسة.. فانظر إلى الكية التي تريدها والتي تستطيع أن تبدع فيها وأدخلها برجلك اليمين.. فما زال باب النجاح مفتوح فهو لا يقف عند باب التنسيق .. وإنما النجاح الحقيقي لا يأتي إلا بعد الثانوية .

السلفية .. معنا ام ضدنا

2010-06-12T12:46:00.003+03:00

دول ناس متطرفين ومتشددين وبيكْرهوا الناس فى الدين ... هذا هو الرد الذى أسمعة من الكثير .. حول سؤالي عن السلفية .. أما عن إجابة سؤال "أنت سمعتهم قبل كدة ؟؟" فيكون الرد على النحو التالى " لا " أو " اة سمعت لواحد منهم مقطع على اليوتيوب ".

والآن أسأل هل يمكن لشخص أن يحكم على أحد دون أن يراه أو يسمعه .. أو بمجرد أنه سمع مقطع له عبارة عن دقائق .. فلا أعتقد أن هذا إنصاف في قول رأى شامل عن شخص .. فضلا عن مجموعة من الناس... فمن الطبيعي أنك أذا أردت أن تحكم على أحد حكم .. يجب أن تسمع له بكل أنصاف .. وتسمع له العديد من البرامج والدروس والخطب .. حتى تستطيع أن تقول رأيك فيه .

إن إنكار البعض عندنا ينتج عن العواطف والأهواء .. وعلى أراء أناس آخرون .. وليس رأى المتحدث .. فالمتحدث قد لا يعرف هذا الشيخ .. ولكنة سمع بعض الناس يقولون علية أنة متطرف أو متشدد .. فمشى معهم وقال كلامهم .. بدون أن يعرفه. فسأعطى لك مثال " أردت أن أتكلم معك عن شخص لا تعرفه .. فطعنت لك فية " بسبة أو ذكر صفات سيئة وقلت لك أنها موجودة فيه .. فأنت أذا قابلتة ستكون فى ريبة من أمرك .. وسيظل كلامي السيئ عنة يدور في رأسك ... منتظرا أي شئ يدل على ما قلته لك ... بل قد تترجم أي شئ يقوله أو يفعله .. بأنها أظهار لعيب فية .. أما إذا كنت منصفاً .. فسترمى كلامى جانبا .. حتى ترى الشخص وتقابله وتقدر على الحكم علية ".. هكذا أنت سمعت من بعض الناس من يكْرهونك فيهم .. فإذا تأثرت بكلامهم .. دون أن ترى الطرف الأخر ..بالتأكيد ستكرههم ... ولن تأخذ منهم شئ حتى وأن كان حق من وجهة نظرك .

أما بالنسبة للأمور التى تراها أنت .. انها ليست من الدين .. وقد تتهكم عليها أيضا .. مع العلم بأنها قد تكون من الدين فعلا .. ولذلك لا يرد عالم الا عالم مثلة .. فمثلا اذا قال لك طبيب .. أنك مريض بكذا .. فلا أنت ولا غيرك ولا حتى طبيب حديثى التخرج تستطيع تكذيب ما يقولة الطبيب .. الا أذا قال لك طبيب فى نفس مكانته العلمية وفى نفس تخصصه عكس ذلك ... هذه قاعد ثبت عليها كل العلوم فلا يراجع المهندس الا مهندس مثله .. ولا عالم الا عالم فى نفس تخصص علمه .. ولكل علم يستطيع أن يبدى رأيه فيه .. فلا يمكن لمهندس أن يعارض طبيب ولا العكس .. ولذلك فالعلم الديني كباقي العلوم له أهلة وعلمائه المعروفين... ولا لأحد أن ينكر على عالم إلا عالم مثله .. وفى نفس مستوى علمه .

قد تكون أنت تفكر بطريقة صحيحة .. وقد يكون تفكيرك خاطئ .. فليس كل ما يدور في عقلك صحيح مائة بالمائة .. ولذلك وجب علينا أن نبحث دائما عن الحقيقة .. ونبتعد عن الباطل .. بل يجب أن تعمل " رفرش" لعقلك كل فترة .. لتمسح الأفكار الخاطئة .. فإذا ظننت انك تفكر بشكل صحيح في كل شئ .. فهذه هي أول خطأ عندك ويجب عليك تصحيحه .. كن باحثا عن الحقيقة دائما .. فالحقيقة لا توهب ولكن تكتسب بالبحث عنها.

نشرت بمجلة شخبطة

خطرفة درشية 2 .. (لقد وقعنا فى الوخ)

2010-05-23T19:06:00.002+03:00

الواضح من العنوان أن هذا الموضوع تكملة للموضوع السابق(جبت التايهة) .. والذى ظن فية الجميع أن درش قد وقع فى الوخ .. ومفيش حد يطلعه .. ولكنة كان بالنسبة لي هو مجرد موضوع عادى لمعرفة أراء الناس فى هذا الموضوع ... وكيف يرونة وما هو مدى تأثير الافلام على العقول .. ومن أجل أن اكسر حاجز" أن الرومانسية حكر على الشعراء فقط ".. وأقولها بملئ فمى ..(أن الرومانسية مكفولة لكل مواطن ومواطنه ).

واليكم رأيى فى هذا الموضوع بالتفصيل .. قبل البداية جهز (فحل بصل) قادر على أنزال الدموع من عينك .. حتى تستطيع البكاء .. و جهز معة لبان زغزغة .. حتى تقع فى دور من الضحك ... فتكون الضاحك الباكى .. وتنقل الى اقرب مستشفى .. معتقدين ان ما فعل فيك هذا هى الامتحانات –أعاننا الله عليها.

الأن وفى جميع الافلام والمسلسلات الموجودة على الساحة .. تتلخص فى أن هناك بطل يحب البطلة لتكون النهاية السوداوية للفيلم .. انهم تزوجوا ويخرج الجميع من الفيلم وقد نزل عليهم الايمان فجأة قائلين "لا حول ولا قوة الا بالله" .." وأنا لله وانا الية راجعون ".

فصورت لنا الافلام أن المقياس الوحيد للزواج هو الحب من الطرفين دون النظر الى اى شئ أخر .. مثل الشخصية والطبيعة وأقارب الطرف الاخر .. فكل هذا يجب أن يضعوه فى الحسبان .. فالحب وحدة لا يستطيع أن يقيم بيت زوجى متكامل .. والدليل أن الكثير من الزواج القائم على الحب فقط لا تستمر كثيرا .. ولا تكتمل .

فى حديث لرسول الله صلى الله علية وسلم "الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ" وهذه فى جميع الارواح .. بمعنى أن هناك أناس كثير تتعرف عليهم .. لكن ضمن هؤلاء الناس من تقترب اليه فتتلاقى الارواح بينها وبين بعضها ..وهناك العكس مالا تستطيع أن تقترب منة .. أو هناك تنافر بين روحهم .. أى أن الانسان تأتلف روحة مع أرواح ناس كثر أو لا تأتلف روحة مع أرواح أناس أخرون .. فقد يعتقد البعض أنه اذا أتلف روحة مع روح الاخر .. سمى هذا حب ولابد من الزواج بينهم .. الا أن هذا قد يكون مجرد مشاعر تألف الارواح فقط .. وقد تحدث بين الكثير من الناس.. ولو أن كل أتلاف بين الارواح اصبح حب ولا بد لة من زواج .. لتزوج الاصدقاء بعضهم بعضا.

اخيرا وليس أخرا .. ان الزواج يعتمد على اكثر من أعتماد منة أإتلاف الأرواح .. فيستطيع الإنسان أن يتزوج من واحدة لا يحبها .. ولكن يجب الا تنكرها روحه .. وبالاضافة لذلك يجب ان تتوافق شخصيتهم وطبيعتهم مع بعضهم البعض.. وواحدة منهم لا تكفى .

هذة هى الوصفة العلاجية للحياة الزوجية المليئة بالسعادة والتقية بعيدا عن القومية العربية وأمك المصرية ... ومع وصفات مهلبية .. إنتظرونا فى الحلقات الجاية .

خطرفة درشية

2010-05-09T22:22:00.002+03:00

خطرفة درشية

مجلة شخبطة اون لاين .. اقرأ عليها الان

مصطفى محمد...

نظرة فأبتسامة فموعد فلقاء .. هذا فعلناه.. فماذا بعد ؟.. لماذا لم تذكر ما بعد اللقاء .. هل لأن اللقاء يكون صامت أم ماذا ؟
فى يوم شاء الله سبحانة وتعالى أن يكون مكتوب من قبل خلق الخلق بخمسون الف سنة أن يكون أول أجتماع لنا هنا فى هذا المكان .. لتكون أول نظرة بيننا هنا أيضا ..فيتجة نظرى وكل جوارحى وكيانى تجاه هذا القدر المحتوم .. لا أدرى ماذا يحدث لى الان من انجذاب عجيب تجاهها .. فمع كل نظرة يزداد الانجذاب ومع كل كلمة تقولها يزداد الاعجاب بها .. رغم أننى لا اعرفها.. فكيف أعجب بها؟ .< يا ألهى.. ماذا يحدث لى .. شعور لم اشعر به من قبل .. هل هذا هو الحب .. ام أنها خطرفة .. أم انه وهم وضعت نفسى فية .. لا استطيع أن أجزم بأنة شئ .. فهو ليس شئ ماديا .. لأقدر ان أحكم علية كما احكم .. ماذا هو ؟؟.. انه أمر معنوى لا أراة ولكنى اشعر به .. أحاول أن اعرف شئ ماديا جعلنى اتجة اليها كل هذا الأتجاة .. وأقرب منها كل هذا القرب .. قد يكون جمالها .. هى فعلا جميلة على الأقل بالنسبة لى .. ولكن رأيت من هى أجمل منها من قبل .. ولم ياتينى هذا الشعور تجاة اى احد. لقد قررت أن اقترب منها أكثر وأتعرف عليها أكثر وأكثر .. قد يكون هناك اجابة لكل أسألتى التى تدور فى رأسى .. ليكون الأستماع اليوم بانصات ليس بسماع ولا بإستماع .. فالأنصات كان جيد جدا .. فلو أنصت فى كل شئ كما أنصت الأن الى كلامها لكنت الأن من عباقرة هذا العالم . قالت كلامها كلة.. وكأنى أعرفها أو قريب من أحد أعرفة .. نعم تذكرت الأن ..انها تشبهها فى الكثير من الصفات .. انها تذكرنى بالفتاة التى كونها عقلى من قبل .. تقولون عنها فتاة الاحلام .. وانها عندى هى فتاة عقلى وقلبى .. انها تتمتع بنفس الشخصية .. لكن ينقصها بعض الاشياء عنها .. ولكنها قد تكون قريبة جدا منها. الأن أزداد عقلى فى طرح اسئلة اكثر وأكثر .. إن عقلى يسأل أسئلة ليس عند البشر اجابة لها .. أنة يسأل عن المستقبل .. يسأل ويقول لى .. هل هذة الفتاة هى التى ستعيش معى طوال حياتى ؟ .. ماذا يخبئ لنا غدا فى هذا الأمر ؟ أيخبى لنا أمل وحياة جميلة بها أم انه وقت سيذول قريبا .. لا أدرى ياعقلى .. ولكن كل ما أستطيع أن اقولة لك أن قلبى يريدها ويحتاج اليها .. فهو وجد ما تتوافق معها .. روحى ذهبت معها الان .. مقتربة منها .. لا تستطيع أن تتركها .. فأنا الان اجلس هنا لأنتظر روحى ماذا ستأتى .. هل سيأتى بأخبار سعيدة تسعد قلبى .. أما ماذا ؟ الان وانا فى حالة انتظار اللا شئ .. ماذا سأفعل ؟؟ .. هل أذهب اليها لأقول لها بما يشعر بة قلبى أم ماذا ؟.. فقد أوصانى حبيبى وخليلى رسول الله (صلى الله علية وسلم):أن من أحب احد .. فليخبره. تمتد قدماى تجاهها خطوة وترجع عدة خطوات .. يبدأ لسانى فى نطق الحرف ويمسكة قلبى .. يخاف فلبى من العواقب لهذا الموضوع .. أيتكلم أم يسكت .. فقد يكون الأمر سينتهى تماما .. وقد يمتد طوال العمر .. يسأل قلبى عقلى .. ويقول لة .. ماذا أفعل ؟؟ .. وعقلى ايضا فى حيرة .. فالاثنين لا يعرفان القدر .. ولا يعرفان ماذا سيحدث. أين انت ياروميو .. أين أنت يا عنترة .. أين أنت يا قيس .. "اخوكم مزنووووق" .. اتجلسون تحت الشجرة وتقولون الشعر وتتغنون .. وتتركونى (لايص)هكذا .

لقاء مدونين يا جماعة

2010-04-25T16:38:00.004+02:00

عندما يجتمع بعض الناس فى لقاء مع بعضهم .. يمضى الوقت وينسى كل واحد منهم الأخر

لكن عندما يكون هذا اللقاء بين قلوب أأتلفت بينهم وبين بعض .. حن كل طرف الى الأخر .

ففى أخر لقاء للمدونين بمدينة المنصورة .. وأصبح المدونون لا يقدرون عن الأستغناء عن بعضهم بتاتا ونهائيا.

ولذلك قررنا قرار تدوينى صادر من الهيئة العليا للمدونين – من عندى يعنى – بأجتماع سريع فى جامعة المنصورة ليزداد التعارف على المدونين الجدد ولمقابلة المدونين القدامى

المكان : جامعة المنصورة – كلية التجارة – مقر اتحاد الطلاب الدائم

الزمان :يوم الاربعاء 28-4-2010 الساعة 12 ظهرا

للأستفسار : 0167894669

الايميل اتسرق

ودة الايميل الجديد

acc.darsh@ymail.com

فى انتظاركم بأذن الله

والمدرج اللى فوق دة مدرج المهدى اللى هنجتمع عندة

واللى هيجى ياريت يسيب رد او يبلغنا ع الايميل

كن فاشلا .. من أجل الانسانية

2010-03-25T14:45:00.004+02:00

ما أجمل الفشل والإحساس بأنك فاشل هو فعلا إحساس لا يقاوم .. فأنت ستتفشخر تفشخرا
أمام زملائك بأنك الفاشل الوحيد الذى بينهم .
أذا كنت أنت فعلا منضم الى حزب الفاشلون الى الأبد .. فأنت عظيم .. ولكن كل عظيم ينقضه
شئ بسيط كباقى العظماء الفاشلون .
الفشل يبدأ معنا من بداية نشأتنا .. فالفاشل هو من لا يدخل المدرسة والناجح هو من يدخل
المدرسة.. الفاشل هو من يأتى بالدرجات القليلة والناجح هو اللى يطلع م الاوائل .. والناجح
هو من يدخل كلية من كليات القمة والفاشل هو من يدخل كلية من كليات القمامة .
ولذلك فالفشل متعلق عندنا فقط بالنجاح والفشل الدراسي .. فبعد انتهاء المراحل الدراسية ..
لا نفكر فى هذا الأمر أبدا .. فقد انتهى عصر النجاح والفشل وبدأ عصر اللا مبالاة.. وذلك لأننا
لم نتعلم فى حياتنا ان الفشل والنجاح موجودين فى كل شئ ..وفى كل وقت .. فقد تنجح
وتفشل فى ساعة ا وفى يوم ا وفى شهر ا وفى سنة .
ولكن انظر مدى نجاحك أنت وماذا قدمت ف هذة الفترة .. وقارنها بفترة سابقة عنها .. وأرسم
لفترة مستقبلية جديدة .. وأجب على سؤال ..ما هو مقدار النجاح الذى تريده في الفترة
القادمة .. وفى أى مجال وعلى اى وجة.
واليك بعض المقاييس الجديدة عن النجاح والفشل
الناجح هو من يشعر انة فاشل والفاشل هو من يشعر انة ناجح
الفاشل هو من يفُشل من حوله والناجح هو من ينجح من حوله
أذا كنت تشعر أنك فاشلا ويراك الناس ناجحا ..فأعلم أنك على الطريق الصحيح
مصطفى محمد

23-3-2010

الله يرحمك ياريس

2010-03-14T18:35:00.003+02:00

الله يرحمك ياريس

ها قد أنتهيت وانتهى كل شئ فى حياتك الحكم والملك والرئاسة والمال والعيال والشعب والمواطن محدود الدخل والأغنياء والوزراء وأجتماع الرؤساء والقمة العربية والسفر الى الدول الأجنبية و الاجتماعات وشكاوى المواطنين ووجع دماغ المعارضه والذين يريدون قلب نظام الحكم .

أصبحت الأن ذكرى فى عقل بعض الناس هى ذكرى جميله وعند الاخرون اسوء ذكرى حدثت .. فأصبح عصرك لا يقاس الا بما قدمت فية من أنجازات ومشاريع وتقدم دولتك الى الأمام .. فالمؤيد لك سيتذكر لك كل شئ جميل قدمتة والمعارضين لك سيرون كل شئ قبيح حدث فى عصرك والمنصفون هم من سيذكرون ما قدمت من أنجاز وما أخفقت فيه .

أعلم أنك اليوم فى راحة من كل هذة الامور الموجودة حاليا.. من غرق عبارة وحرق قطارات قد أرتحت من كل هذه الأمور .. فشعبك لم يعد يسألك على سعر اللحمة الزائد ولا عن الأسعار التى هى فى زيادة دوما ولا حتى عن زيادة مرتباتهم ولا على العشوائيات التى على أطراف القاهرة ولا على الأكل المسرطن ولا عن المياة الملوثة ولا على من يأخذ على قفاة في المركز ولا رغيف العيش الذى لا يصلح للأستخدام الأدمى .

قد أنتهى عصر كل هذا وبدأ عصر جديد فى حياتك الأبدية حياة البرزخ لا يعلم ما فيها الا مالك الملك .. فالاسئلة هناك تختلف عن كل ما فى الحياة الدنيا فستسأل عن دينك وعن نبيك وعن ربك .. ليكون اللقاء مرة أخر فى حياة أخرى وفى حياة الاخرة .. وقت الحساب والأسئلة الاخرى والكبرى عن كل ما كان يحدث لك فى الدنيا .. أعدلت ام ظلمت .. أحمكت بما أمرك الله أم غيرت وبدلت .

رحمك الله ايها الرئيس العظيم .. رئيس جمهورية مصر العربية

رحمك الله ياسادات

_____________________________________________________________________________________________

بعتذر الى كل المدونين عن عدم الرد وذلك لانشغال التام
وأن شاء الله هرجع اظبط تانى
ادعولىىىىىىىىىىى

رحلة الى العاصمة+تحديث لفيدو الثقافية

2010-02-19T12:00:00.004+02:00

والأن ننقلكم الى أذاعة اليوتيوب
لنقل الحلقة على جزئين

استمع الان

الجزء الاول

الجزء الثانى

ونتوجة بخالص الشكر
والتقدير .. الى صاحبة المعالى
الوزيرة المقبله : سمية كمال الدين
على تسجيلها للحلقة

فى أسبوع شهدت فيه القاهرة هبوطا حادا عليها حيث أننى هبط عليها 3 مرات فى اسبوعين والتى لم تحدث فى تاريخ البشريه .. ان انزل القاهرة مرتين فى الاسبوع حتى ... قد لا يشعربهذا الهبوط الناس اللى فى الأكاليم اللى زى حلتنا.. ولكن من فى القاهرة سيشعرون بذلك بالتأكيد حيث أن هبوطى كان مفاجئ

كانتا المرتين فى الاسبوع الماضى وكانوا اخر تمام .. الا ان هذة مرة هذا الاسبوع لم تستقبلنى القاهرة استقبالا مشرفا ابدا فكانت الشمس شديدة الحرارة فى هذا الوقت .. رغم اننى ذاهب للقاء على الهواء مباشرة .. ولكن الحمد لله لم يأتينى برد وانفلونزا الصراصير.

سأحكى لكم قصتى رحلتى الى العاصمه .. فنحن اهل الاكاليم –كما ينطقونها اهل القاهرة – نعد العده قبل الذهاب الى العاصمه .. يعنى بنركب السياره ونيجى . هى دى العده

فنزلت فى مطار عبود الدولى الى ان وصلت الى اكبر محل فول وطعميه بجانب مطار عبود حتى استطيع عمل دماغ فول مظبوط تأتى بتأثير جامد فى الحلقة .. وبعد ان اتت سندوتش الفول المكون من رغيف وشمة فول فى الاخر والطعمية عباره عن سندوتش سلطة بها رائحة الطعمية .. ولذلك تأثير الفول والطعميه لم يظهر فى الحلقة بالشكل المظبوط .

بعدها ركبنا المترو وانطلقنا الى السادات ..ولكننا لم نجد السادات هناك .. ثم بعدها الى مبنى الازازة والتليفزيون –وقد سميت بهذا الاسم لوجود ازازه كبيرة بدخل هذة الدائرة – جلسنا ننتظر السياره التى ستذهب بنا الى الاستوديو فى المبنى .. لأكتشف الاكتشاف الرهيب لا يوجد فية تليفزيون واحد ولا حتى 10 بوصه.

وبعد الذهاب الى المقطم للتصوير فى هذا الميكروباص .. الذى جلست فيه اتنينات فى الكرسى .. بدل البهدلة مع سواقين ميكروبوصات الجامعة التى تركب اربعات وممكن يقولك خمسات .. وفى ناس كمان مبتركبش غير ستات –حريم يعنى- ووصلنا الى المقطم ..وحدث ما حدث.

واذ بعد نص ساعة صمت فى الاستوديو – لا اعرف على روح مين – والضوء لصق فى وجهى فلم ارى الا تخيلات وبدأت الحلقه . .اما ماحدث فى الحلقة فأنتوا تعرفونة اكثر منى ... لمن رأى الحلقة فقط .

وكل تصوير وانتم طيبين

النيل الثقافية .. هابى درش داى

2010-02-14T01:00:00.005+02:00

فى يوم

فى شهر

فى سنه

فى يوم 15

فى شهر 2

فى سنة 2010

فى الساعة الخامسة

انتظروااااااااااااااااااااااااااااااااااااااااااا

مجلة شخبطة

على

قناة النيل الثقافية

برنامج ثقافية كافية

ممكن الساعة 5

او الساعة 6

او 6 ونص

وهابى درش داى

تخاريف ما بعد الأمتحانات

2010-02-07T13:20:00.004+02:00

سنه من التدوين

لم اكن فى يوم من الايام احلم بأن اكتب شئ أو يقرأ لى احد اى كلمات ..لان الكتابة لم تكن من اولوياتى ..وانما لم اكتشف ذلك الا فى الكلية ..ففى أمتحاناتى" خاصة النظري منها " كنت يجب ان اقوم بتأليف الكثير من الاجابات فى الامتحانات ..وكنت اعاهد ذلك تمام ان عندما اقوم بالتأليف فى مادة (اجيب تقدير) فيها ..والمادة الذى لا اقوم بالتأليف فيها تكون مقبول دائما ..الى ان جأنى مادة تسمى المراجعة وجأت الى الفرصة فى التأليف فكان يطلب جزء من سيناريوا بين طالب كلية التجارة وابية وهم يتحدثان عن ما يأخذة فى الكلية فى هذة المادة ..وهنا كتبت سيناريو لم يستطيع احد كتابتة ..فقد كتبت فى وسط الكلام

يوسف :اريد بعض من الشاى يا امى...

الام:حاضر ياحبيبى

وبعد ان انتهى الامتحان قلت لاصدقائى عن ما كتبت فكان الكل يقول على الدنيا السلام فى هذة المادة ..فالكل متوقع بأننى سوف اسقط فى هذة المادة .. الا ان التوقعات كلها تبدلت فقد اتيت بتقدير فى هذه المادة..ومن هنا بدأت الحكاية فى عالم التدوين ..فعندما وجدت هذة الموهبة المدفونة فى ترب اللى بعد السكه الحديد .. قررت ان ابدأ فى الكتابة ..بل ويجب ان يقرأوا ليا الناس حتى اقوم برش البيض الناشف عليهم ... بل تعجبت عندما وجدت ان هناك من يقرأ لى ويقرأ موضوعات لى .

مر عام من التدوين ووجع دماغكم .. ولذلك قررت قرار ومْصر على هذا القرار اصرارا والحاحا .. وهو أن اتنحى ... قصدى " ان اكون كاتم على نفسكم فى هذة المدونة ".. وكل عام والمدونة بخير .

معرض الكتاب وناس زى العسل

مش عارف ياجماعه المدونة لما تكبر قدامك كدة ويبقى عندها سنة وكام يوم .. يعنى زمانها بتمشى الوقتى .. احساس الاب وابنة اللى مطلع عينة ابوه. هو نفس احساس السمكة بعد ماتتاكل .. احساس الجحش لما يكون بيستحمى فى بطن امه.

أمبارح كنت فى معرض الكتاب... كنت رايح مخصوص علشان أشوف الناس الحوة والناس اللى زى العسل .. علشان حفل توقيع استاذتى "سحر غريب " فى كتابها الرائع " تعيش وتاخد غيرها " وبقولها كل كتاب وانتى طيبة يا سحر .. ورفيق دربى وعمرى اللى لسة شايفة امبارح"أحمد الصباغ" اللى بجد انا بحبة من قبل ما اشوفة .. ولما شوفتة حبيتة اكتر ..وكتاب الممتع " الضرب فى الميت " .. يعنى الكتابين قشطة اوى واحد هيعيش وباخد غيرها والتانى هيموت وهيضرب

دا غير طبعا شيخنا الشيخ بلال فضل .. بجد الراجل دة رائع رائع بجد يعنى .. وشخصية محترمة جدا جدا .. مش عارف بس الساخرين حاسس ان كلهم كدة شبة بعض وشخصيات كلها جميلة وحبوبة دايما.. ودايما دمها خفيف.

بالنسبة لحبيبنا واصحابنا .. فانا قبلت مدونين كتير منهم من قابلتهم من قبل ومنهم من لم اقبلهم من قبل.. طبعا قبلت حبيب قلبى وابن بلدى " اشرف توفيق" وصديق دربى على الانترنت استاذ " مصطفى ريان " .. و"ماجد ابراهيم".. و" محمد مهنى".. وابراهيم اطاطا.. مين ابراهيم اطاطا دة .

وأصحاب العناء الموصلاتى .. بسمة عبدالباسط و ضحى حلمى وحسام اخو ضحى و سارة الاسكافى واسلام جاويش وأسماء حجازى وبسمه مسلم .

بالنسبة للأمتحانات .. نتوجة الى اذاعة خارجية

بسم الله الرحمن الرحيم .. نحن هنا من ارض الكنانة العربية نوجة لكم افضل تحية على كل المدونتى ونقول لكم بأن عباس مازال بخير .. وأن امتحاناته السته كلهم تمام اوى ماعدا ست مواد منهم فقط .. والباقى كله بخير- على اساس ان فى باقى – وانه كان يدون فى الامتحان كل ما يفتكر شئ .. فاصبحت ورقة اجابة الامتحانات مدونه .. لما كان يذاكره طوال الليل اما التلفاز .. بين ميلودى للأفلام وروتانا سينما .. ويرسل لكم تحية كبيرة جدا – من ام 2 جنية – لكل من فى كفر المدونين والاحياء الشعبية المجاورة وخاصة الفيس بوك .. ويرسل تحية لبسطويسى ومصيلحى وزقزوق وخميس وجمعة وسبت وباقى ايام الاسبوع

كان معكم

حد ابوالعافيه

موفد قطاع النجار - الكمبيوتر

من الواضح انى بقيت بالْكِ – بتكلم كتير يعنى – قد يكون اخراج لكبت شهر كامل لم اكتب شئ .. يالا تصبحوا على كوباية مايه

هذا البوست برعاية " زنقة كولا" .. راعى الجزمة المصرية فى المدونة

سنة ورا سنة

2009-12-31T17:42:00.003+02:00

فى هذا العام ونحن نودعها اذكر فيها الكثير والكثير

فعلى المستوى الشخصى .. هذا العام كان بالنسبة لى فيها نجاح لى .. لا يقارن بالسنين اللى قبلة

فى 30 يناير 2009 .. عملت اول تدوينة على مدونة فك زنقة وكانت فتحة خير عليا

فى 5 فبراير 2009 عملت اول جروب على الفيس بوك وهو كان جروب حملة ماشى للطريق الصح .. وكانت للسعى للأرتقاء بالذات والنجاح والسعادة فى الدنيا والاخرة

فى 30 مارس 2009 أفتتحت مدونة ظبط نفسك للتنمية البشرية .. وربنا يسهل واكمل فيها

فى 3مايو 2009 اشتركت فى مهرجان الاسر على مستوى جامعة المنصورة .. والحمد لله كان فى اقبال كبير على اعمالى فى المعرض.

فى 14 مايو 2009 اول ظهور ليا فى جريدة العالم اليوم عندما كتبت اسماء رمضان عن مدونة ظبط نفسك

فى 4 اغسطس 2009 النتيجة ظهرت واوعى حد يسأل عن التقدير لان حرام .. انا نجحت والحمد لله

فى 28 اغسطس 2009 انشاء مبادرة "خلى مدونتك كتاب"

فى 2 سبتمبر 2009 عمل اول كتاب الكترونى خاص بى وهو كتاب "سوسة مصر"

فى 5 اكتوبر 2009 انشاء مجلة شخبطة الالكترونية وكان اول عدد فى 5 نوفمبر

فى 22 أكتوبر 2009 ثانى ظهور ليا وبعد غياب فى حوار خاص جدا –على اساس انى البردعى- مع اسماء رمضان فى المدونخانة

فى 2 نوفمبر 2009 تم ترشيحى كأمين سر النادى الادبى بكلية التجارة جامعة المنصورة

فى 18 نوفمبر 2009 نشر موضوع "فى عصر الست لما " فى جريدة الجيل

فى 7 ديسمبر 2009 كنت بتغدى

فى 31ديسمبر 2009 كنت بكتب الكلام الفاضى دى

على المستوى العام

الحمد لله .. محصلش السنة دى اى حاجة وحشة .. الحياة كان لونها بمبى جدا جدا هو يعنى حرب غزة فى اول السنة بس الحمد لله .. ويعنى مفيش غير قطرين دخلوا فى بعض بس السنة دى .. والزبالة بقت تمام اوى ..بقت كيس على كل مواطن .. يعنى هو حصل حكاية مصر والجزائر بس لما ولعوا فى بعض .. وبعدين مفيش مشكلة لما اوباما جة مصر وسنج الشعب المصرى .. وخد نوبل فى التسنيج .. فى النهاية عملنا جدار فولازى –طيب كلوا الاول وبعدين دوروا على الجدار – علشان نقفل السدود اللى قرفانة دى اصل عايزين يدخلولنا مخدرات .. وحافاظا على اروح الشعب .. علشان ميتسِطلش - دا على اساس انة مكانش مسطول – طبعا الجوانب الرئيسة بتاعة كل سنة لسة موجودة .. يعنى الفقر ذاد وحوادث الطرق واللى يتكلم يتحبس والكلام دة

بارقة امل : محمد البردعى ابدى استعدادة لدخول الرئاسة فى 2011 .. ربنا يستر علية يارب وميروحش فى الرجلين .. هى الصحف القومية ماسبتوش فى حالة دا بس علشان لسة برة .. لما هيجى بقى هيعملوا اية بقى .

فى 2010

الحمد لله السنة دى خدنا فيها صفرين .. زى ما مكتوب فيها بالظبط .

الصفر الاول : لما مفيش ولا واحد رشح مصر لاستضافة كاس العالم ..وخدنا صفر

ولصفر التانى : فى التصفيات وفى اخر ماتش مع الجزائر خدنا صفر

دا لسة من قبلها .. ربنا يستر على السنة بقى

وكما قال الشاعر اشرف توفيق

طول عمرنا نكتم جراحنا فى قلبنا فى اخر السنة

ونكتب على وش النتيجة " عام سعبد"

احتمال كبير اغيب عن المدونة يجى شهر كدة علشان المذاكر بقى .. ولا مذاكرش واقعدلكوا واسقط ... وبعدين الناس اللى انا مردتش عليهم من ايام الفراعنة .. يستحملونى لانى بجد عايز افوق شوية .. وان شاء الله الناس اللى معندهاش امتحانات تظبطلنا لقاء حلو كدة فى معرض الكتاب مدونين مصر .. بس بشرط انة يكون بعد يوم 4فبراير ... على ما اخلص امتحانات

المدونة غير التصميم بتاعها علشان الجماعة اللى مش عارفين يردوا .. وانا على العموم هبقى اتابع كدة من تحت لتحت .. زى قبل كدة يعنى هبقى اخة خلسة من وراكوا واتابع مدونتكوا .. علشان لو فى حد جاب فى سيرتى كدة ولا حاجة واستغل انى مش موجود .

يالا بقى لانى صدعتكم ..

لمؤخذا ..انا مصرى

2009-12-20T00:01:00.002+02:00

منذ ان نزلت الى هذة الدنيا ودخولى على ربع قرن ...لم أرى او اعرف فى حياتى اى شئ يسمى رئيس بتغير..حتى كنت اعتقد ان الرئيس هو انسان بيفضل ماسك على طول لا يتغير ولا يستبدل .. ولكنى بعد ان كبرت ووجدت هذة الصفة الغريبة الموجودة عند الغرب ..ان هناك رئيس يتغير كل 4 سنوات او لما يزود يبقى 8 سنوات ..فى الاول لم ادرك الامر واعتقد انهم يوهمننا بكلام فاضى .. وانها مؤامرة علينا .. وبدأت اسأل عن معناها فى القاموس الا اننى وجدتها هو" ان يقوم الرئيس بترشيح نفسة ويقوم اخرون بترشيح انفسهم معاها ..والشعب يختار من بينهم الشخص المناسب "..هذا كان فى القاموس ..الا اننى ما رأيتى شئ اخر تماما ..فوجدت "الرئيس يرشح نفسة ويقول لبعض من الاحزاب الاخرى يختارو واحد من بينهم يترشح امامة ..وبعدين الناس اللى امامة يقومون بأنتخاب الرئيس الذى طلب منهم يترشحوا ".. فكانت اول تمثلية يبدع فية المخرج وتيجى على القناة الاولى .. لذا اردت ان اخرج من هذا العالم الواقعى الملئ بالسيناريوهات والمخرجين فى كل مكان ..لإتخيل عالم اخر .. تخيلت –مجرد تخيل والله- ان حدث مايسمى بانتخابات عندنا وكانت نزيهة-لا قدر الله- واترشح كذا واحد والناس راحوا وانتخبوا واحد منهم ..شكل جديد فى السلطة ..ومسك البلد شخص من المعارضة الحالية .. والدنيا اتحولت بقى ..يعنى تبقى صحيفة الاهرام والاخبار والجمهورية صحف معارضة وتجد الاستاذ سمير رجب بدأ مقالة الجميل بـ"ولا تحسبن الله غافلا عما يعمل الظالمون انما يؤخرهم ليوم تشخص فيه الابصار "سورة ابراهيم الاية 42.

وتجد جريدة الدستور والاسبوع اصبحت جرائد حكومية ..ويصبح مقال الاستاذ ابراهيم عيسى مدح فى الرئيس الجديد .
تخيلت ان النظام الجديد الذى سيحكم سيحل مشاكل الناس الضعيفة والشقيانة طول الليل والنهار .. من مشاكل مادية الى رغيف عيش معفن لا تستطيع الوصول الية الى المناطق العشوائية التى تملئ مصر..ومشاكل مصر كلها تتحل والحياة يبقى لونها بامبى ..مع ان ذلك هيضطر الى غلق برامج التوك شو ويمشوا يبعوا بطاطا على النيل.

فتحت قناة الاخبار فوجدت خبر بيقول"قام الرئيس الفلانى رئيس جمهورية مصر العربية "..واجد صورة غير الصورة المعروفة ..واسم غير الاسم ..وان اجد شخض يسمى رئيس سابق ..والحياة بقى فيها اختلاف.

استغفر الله ..استغفر الله ..لازم اقوم من هذا الكابوس المزعج ..واحلام الياقظة اللى انا بشوفها دى .. واتصدم بالواقع اللى انا فية ..حتى اصل الى النتيجة الحتمية والمعروفة وهى ..انك مصرى ولا يمكنك التفكير ولا ان تحلم فى هذة الاحلام ..فهى احلام بعيدة المنال ..بل قد تكون مستحيلة .. بل قد يكون التفكير فيها فقط ..او رؤيتها فى المنام ..يزج بك فى السجن ...ويظل السؤال يطرح عليا يوميا .."لو سألتك انت مصرى تقولى اية ..تقولى مصرى متنيل على عين اللى خلفونى "..وتظل بنت الحاج عجرم تذكرنى بهذة الحقيقة المرة ..حتى اعتقدت انها تذلنى بأنى مصرى .

هذة نشرت بمجلة شخبطة العدد الاول

شخبطة ليها معنى

2009-12-02T23:51:00.003+02:00

ان حياتنا مليئة بالشخبطة الكثيرة فى كل مكان ولكن هناك ششخبطة معروفة نعرفها وهناك شخبطة ليس لها معنى ..فأنا عندما اكتب حرف معين مثلا "ى"هذة مجرد شخبطة ..او حركة قلم ولكنها لها معنى فى عقلنا الا وهى حرف الياء .. الذى ننطقة .. فهو مصور فى عقلنا ان صورة معينة لبعض الشخبطات نفهمها عندما نراها دائما .. فلو كتبنا هذا الحرف الى اجنبى لا يعرف العربية فهو لا يفهمها ..لانة لم تسجل بعقلة معنها ..وهو لة شخبطة اخرى لها معنى فى عقلة غير هذة ..ولها ادراك معين ..سواء ان كان حرف او كلمة او غير ذلك فمنذا نشؤت وانا ارى كلمة القرآن الكريم مكتوبة بنظام معين بالتشكيل وضورتها مرسومها فى عقلى ..وبينما انا امشى فى الشارع فوجدت كلمة مكتوبة بنفس كلمة قرآن كريم ..فعندما نظرت لها لاول مرة اعتقدت انها "قرآن كريم"ولكن عندما دققت نظرى لقراة الكلمة وجدتها "فِراشة الربيع"كذلك هذة الكلمة التى امامك ان قراتها لاول مرة قد تقرأها بفتح الفاء ..فتكون "فراشة"التى تطير ..ولكن هى بكسر الفاء اى فِراشة ..وهو المسئول عن أقامة الفراشة للحفلات وهكذا .. فتجد ان الكلمات والاشياء كلها مجرد شخبطة ..ولكنها تختلف هل الشخبطة لها معنى بالسبة لى اما لا ..وهنا فى المجلة شخبطة لكل الناس لكنها شخبطة ليها معنى.

لن تنتهى من هذة المجلة الا وقد استفدت شيئا جديدا فى حياتك وان كان صغيرا ..فأنت قد تستفيد معلومة جديدة لم تعرفها من قبل ..وقد تتعلم شئ جديد من قراتك للمقال وقد تستمتع بقرأة شئ يريحك او يجعلك سعيدا ..فأن كنت مهموا ..فانا مجلتنا هى حلك ..وان كنت سعيدا فمجلتنا تزيدك سعادة ..وان كنت تريد الافادة فمجلتنا مفيدة لك بكل المقاييس ..وان لم يكن كذلك فلا تقراها بعد ذلك ..فأنا اجزم بأنك ستستمع بقراتك للمجلة ..وتابع معنا كل جديد وممتع فى شخبطة ..وليها معنى.

هذا الموضوع نشر فى مجلة شخبطة - العدد الاول

لتنزيل العدد الاول من المجلة على 4shared أو madiafair

والعدد الثانى من مجلة شخبطة منة موضوع عن ما يحدث فى مصر والجزائر

وتحقيقات وحوارات عن هذا الموضوع لتحميلة madiafair

كل سنة وانت خروف

2009-11-26T12:39:00.004+02:00

فى الوقت الذى أصبح فيه الكل يتمنى أن يكون خروفا ..بعد ان علم ان الخروف أخذ حقوقة تالت ومتلت .. وأصبحنا نطلب من السيد خروف حفظة الله للعيد القادم ..أن يطلب لنا من مجلس الامن لحقوق الانسان ..بعد ان أخذ منصب رفيع فية ..من ضمن حقوقة الخروفية ..التى هى جزء من حقوق الحيوان فى العالم كلة ..بأن يبحث عن حقوق المواطن المصرى الغلبان والمهضوم حقة فى معدة الاخرين ..وذلك ردا لدفاعنا عنة كخروف .

فاشتكينا سيد خروف من سيد خروف وسلالتة الكريمة

"أحب أن نقول لك بان سيادتك قد تكون مشغول فى كثير من الأوقات وخاصة عن المواطن الذى لا يستطيع الوصول اليك .. رغم كل المحاولات الذى يحاول الاتصال بك ..فموبيل حضرتك مغلق أو مدبوحاَ او مشوياَ ..أو خارج فسخانة الخدمة .. ويعلم جيدا أن الاتصال بك قد يكون أمر صعبا ان لم يكن مستحيلا .. فأن سعر كيلو من حضرتك الان أصبح يساوى مرتب شهر شغل .. وأنة لا يراك الا وهو يمشى فى الطرقات ليتحسر على نفسة ..فى انك ماذا كنت واصبحت الان ماذا .. نعلم أن اشغالك كثير سيادتى ونعلم أيضا أنك فى تقدم دائم لا تهبط عنة أبدا ..فأعذر هذا المواطن الذى أحبك من قلبة واشتاق لكى يراك او حتى يشم رأحتك ..فاذا سمحت لنا بقليل من الوقت فى السنة .. او أحد من سلالتك العظيمة من البقر والجاموس والماعز .. فى لقائهم فى اى وقت فى السنة نفضفض معهم ونحكى لهم عن حالنا ..فهم ايضا اصبحت اسعارهم تزداد بطريقة جنونية تأثرا بجنون سعادة البقر ..شفاه الله وخفض سعرة ..وفى النهاية لايسعدنى الا ان اتقدم بكل الفرو واللحم اليك سيادتكم ..اخوكم ..مواطن نفسة ياكل لحمة"

تم الرد من قبل السيد خروف بعد بمعاناة وبأعجوبة كاملة بين الارجاء فى انة تَذكرنا اخيرا وتَذكر أيام البرسيم 90 و92 بقولة "لقد حددنا يوما بأن ترونى فية انا وزملائى ..لا تزعجزنى مرة أخرى"

وعندما جاء عيد اللحمة ..ذبح الكثير من الماشية وأصبح هناك أناس يمشون فى كل الطرقات ياخذون حقهم من كل من أضحية ..ويأيضا يأخذ حق غيرة لكى يأكل لهم بالنيابة عن بطنه.. حتى يُكونْ عجل أخر على أمل بان من يجمع العجل يأخذ هدية مقابل تجميعة للعجل ..أو أن يقوم ببيعة مرة أخرى ..فى سبيل أن هناك الكثير من الأناس المتعففين الذين لا يطلبون شيئا يمنعهم حيائهم من الطلب وهم يحتاجون الى هذا قد يكون أكثر مما يمشون فى الطرقات .

ويذهب العيد وتذهب معة اللحمة ..ومازال سعر اللحمة يزداد طوال السنة دون نقصان أبدا فلا يؤثر فيها أزمة اقتصادية ولا غيرها .. واصبح الجميع يتمنى لبعضة بان يكون خروفا بقولهم "كل سنة وانت خروف "

تحليل للمصريين فى المباراة

2009-11-14T23:45:00.004+02:00

اة

قد تتعجب عندما أقول لك باننى لم أرى الا أربعة ماتشات فى حياتى..وكلهم والحمد لله فازت مصر فيهم ..او فاز الاهلى فيهم ..فاول مباراة كانت مبارة الستة واحد بتاعة الاهلى ..والثانى فوز الاهلى بكأس افريفيا ..وفوز مصر فى غانا ..واخيرا مبارة اليوم ..لم نغلي ولكن حققنا فوز رائع وجميل ..وفرحت لفرح الشعب المصرى من حولى .

ولذلك رصدت ما حدث عندنا بعد المباراة فى شوارع مدينتنا

اولا :وجدت كل ما فى المدينة خارجين الى الشارع الرئيسى يهتفون وينادون "مصر" ..والبعض يقول "مصل"..قد ينادون بمصل لانلفونزا الخنازير او ماشابة ذلك ..كان الجميع يحمل الاعلام ..وعلم مصر كان يسطع فى كل مكان ..الا اننى رأيت هناك من كان يحمل علم اليمن ..فهذا دخيل بيننا دخل ليجع اليمن ...فكا هناك من كان يحمل علم اليمن ..لا اعرف اكان يقصد ام ان النسر طار من على العلم .

ثانيا:كان هناك احد الاشخاص اتى بعربة كارو ووضع على حمار العربة علم مصر ..كبردعة لة ..فأصبح التشيخ ليس للانسان المصرى فقط بل كان للحمار المصرى دور كبير فى المسيرة .

ثالثا:كان الوقت مناسبا جدا لكى يخرج الكثير من البنات الى الشارع ..فكان هناك عرسان كتييير جدا ..والشاطرة التى تقدر ان تقع بواحد فى هذا المولد ..الجماع لكل اهل الحى من كبيرهم الى صغيرهم.

رابعا:من اجلك انت ..خرجت صور ومرشحين أنتخابات مجلس الشعب القادم ..لعمل دعايا على أكبر نطاق فى وجود اكبر عدد من المصريين فى الشارع ..ومن ظمنهم حاجة مترشحة من ضمن كام حاجة ..وذلك لاننا الدائرة الوحيدة الذى خرج منها واحدة فى مجلس الشعب ..هو وواحدة اخرى..وذلك دليل على نضج الشعب وتطورة واتباع التقدم اول باول..كذلك المحلات ودعايا لهم على الملاء..والشاطر يستغل.

خامسا:أصبح كل من فى الشارع محللين رياضيين ..والكل كان يحلل المباراة وكأنة دكتور تحاليل منذ الاذل ..اخذ كتورتة من جامعة اكسفورد.

وفى النهاية أحب ان أهنئ الشعب المصرى نفر نفر بالفوز المبارك ..وعقبال مباراة السودان ..ولا عزاء للبت الجزائرية الى شكلها مش هيروح النهاردة ..وسؤال هل تريدون ان ارى مباراة مصر والجزائر فى السودان ام لا ..وتكون المباراة الخامسة .

المدونين وأراهم فى اللقاء

2009-11-08T00:02:00.007+02:00

ذهبنا الى اجتماع المدونين فى المنصورة ..وفى نهاية اللقاء كنت أريد ان اسأل كل شخص عن اليوم فى رأية
لكنى لم اتمكن فأردت ان أتخيل رأيهم.

شيماء ..الشعب لابد لة من حكومة تشكمة : والله اليوم بالنسبة لى كان حلو جدا جدا ..وبالذاتالجماعة اللى جايين من القاهرة وفارك ين ان احنا مستنينهم بالجلبيات البلدى ونقولهم اذيكم اذيكم ..انا جاية اتبرع عندكم وسايبين القاهرة ونازلين الاكاليم ..باكلو مشلتت وقشطة من بتاعة ابو طاجن دى ..بس الحمد لله النظرة اختلفت وخدوا عننا انطباع تانى اننا انشان زى كل الاناسيين المصريين بنتكلم عادى وبناكل عادى كمان وعندنا كوك دور ..وانا من موقعى هذا احب اوجة خطابى لكل السادة المسؤلين انهم يجيبوا بتوع القاهرة ينزلوا الاكاليم ويشوفوا ان الوضع مختلف تماما عما كانوا متصورين .

بنت خيخة واى كلام :انا نزلت من هنا واموا واخدنى على المستشفى عدل ..طيب ياجماعة استنوا ..مفيش فايدة وواحد كدة من بتوع المنصورة من غير ذكر اسماء ..خدنى مشانى قبل ما اتبرع بالدم حوالى نص كيلو ..علشان اوصل للمستشفى ..لما نشفنى فى الحر ..ورحت اتبرع وقولت انا اية اللى جايبنى بس هنا ياربى ..على العموم انا رديتم فى كوك دور .

محمد عبدالرحمن ..بلاد السحر والخيال: ناس طيبين اوى يا خال ..ايو والله ...اليوم كان حلو جدا من اول التبرع بما فيى عرق الانسان وصولا الى لحظات الوادع ..مع ان لحظات الوادع دى انا مبحبهاش بس جيت على نفسى واستحملتها يالا بقى .. وكوك دور اللى مفهوش يشة دى مشكلة ..مع انى مبشربش الشيشة بشرب كازوزة .. بس تبقى موجودة ولا انت رأيك اية ؟؟.

اميرة على كوكب مهجور :بصراحة كدة مينفعش خالص اعلق عند واحد ويطنشنى بس اعمل اية بقى ..على العموم طبعا انا مامتى كانت هى اللى منورة المكان ..والمدونين كلهم كانو منورين ..ولذلك احنا مشنا قبل ما الظلمة تيجى ..ونعرف ان المدونين مكانوش منورين ولا حاجة والنور كان نور الكهرباء.

مى ..حلم كان :اعمل اية يعنى اختى تبقى واقفة فى اخر الدنيا كدة وقاعدة تتمشى جنبى على النيل ..كنت عاوز اقول للبتاع المركبة على جنب يااسطى ..بس معرفتش وبعدين هى فضلت ماشيلها شوية حلوين واهى تتمرن على المشى الكتير شوية ..بدل الوقفة دى ..اما بالنسبة لقلمى اللى الناس كلها كانت طمعانة فية ..وواخدينة كل شوية ومستغنا اكمنى معايا قلم وورقة .

أبراهيم ..كأنى اتكلم:انا قولتلهم يا جماعة بس هما برضة مفيش فايدة ..وبعتونى اخر الدنيا علشان اجيبلهم مركب يركبوا فية ..مش عارف هما مبيخدهوش سباحة لية كان احسن واوفر كمان ..بس هما كدة دايما ..ياراجل بلا قلبة دماغ يعنى يزمتك ينفع كدة ...انا روحت جبتلهم المركب اللى شبة بتاعة التيتنك وغرقانة مرتين قبل كدة .. ولا كنت بجبلهم توك توك .

سول فويس اوف ماين : الناس اللى كانت هناك كانوا حلوين اوى وبالذات خيخة وانا كنت فاكراها بتاعة التبرع بالدم ..وجاية علينا تسحب مننا على طول دم ..بس دم كل اللى معانا كلهم كان شربات وزى العسل ..قبل التبرع بالدم ..بعدة بقى ..باين حاطولهم شربات اكتر بدل دمهم ..كلهم كانو ناس زى العسل جدا .

وانتهى الاجتماع على خير ا شاءالله بدون اى خسائر ..رغم ماحدث لعسقول من نوم ونعاس طول الوقت برغم شوال الدم الذى اراد ان يتبرع بية ...وقد داخ من كيس واحد ..وما قالة الاستاذ أحمد حسن البنا عن مصير المدونين ..والاهتمام بالمدونات أكثر ..وفى نهاية اليوم ذهب الجميع الى بيتة ليستكن بعد هذة الرحلة الطويلة .
كان معكم ..مصطفى ابو محمد ..موفد قطاع الزنقات.. المنصورة

أوعى تتأخر ..المنصورة مستنياك

2009-11-02T16:05:00.006+02:00

خبر سار

لكل عملاء فودافون وموبنيل وحتى اتصالات وكمان المصرية للاتصالات بتوع ال3 قروش

احب ان ازف ..لكم هذا النبأ الهام

انة قام بعض من الأناس فى المنطقة بعمل اجتماع لسحب دم البشر

حتى لا يتبقى أى احد عندة دم

أتدرى اين هو يا فتى ؟؟

انة فى المنصورة ..فى مستشفى الطفل..وفى يوم الجمعة القادمة

يس هذا فحسب

بل سيذهبون الى صلاة الجمعة

راجين الله ان يرجع اليهم الدم مرة أخرى

وبعد ذلك سيذهبون الى كوك دور

اي نعم انة هذا المحل الشهير ..ليأكلوا

لعل هذا الكوك يبقى عندة دم ويعطينا مما اعطاة الله

فى النهاية سيذهبون الى ما يسمى بنادى النيل

وهذا أخذا بمبدأ بما أن النيل بيجرى فى دمى

يبقى تحتاج الى بعض من النيل لكى تروى دمك الجديد

بعد أخذ القديم

أتريد ان تذهب اية الفتى

أذن فلا تتأخر علينا

فى يوم الجمعة ..الساعة ال10 صباحا

امام مستشفى الطفل بالمنصورة

اذا اردت ان تعرف كيف تذهب

أدخل الى مدونة صبرنى ياربى

واقرا كيف تصل الى هناك

وهو على العموم ... هتوصل بتاكسى يعنى

وانا ساكون فى انتظارك هناك

من المنصورة او من مكان جابنها

يجب ان تكون هناك من بدرى لانتظار من ليس من المنصورة

وهذا أخر الخبر

كلمة السر بيضة

قبل ما تفقس كتكوت

واذا وجدت أحد ينظر لك نظرة شذرا كدة

يبقى انا اكيد

هستناكم يا جدعان

اوعى حد يتأخر

دا فندق رمادا ممكن تعدوا علية لو انت جاى من الموقف الجديد

على طول بقى ..لغاية متوصل لصيدلية الطرشوبة

خش يمين هتلاقى المستشفى هناك

بس كدة ...ياعم قولتلك تعالى بتاكسى احسن

هو احنا فى حرب

2009-10-28T22:09:00.002+02:00

سالت واحد سؤال ..اية رأيك فى نظام الحكم ؟؟
قالى جميل جدا ..ياعم دا كفاية اننا مدخلناش حرب من اكتوبر 1973
انا أقتنعت الصراحة ..بس قعدت أفكر هل احنا فعلا لم ندخل حرب من 73؟؟
ووجدت أن الاجابة لا ..قد دخلنا حروب كثيرة وقد خسرنا فيها الكثير ..وقد خسرناها كلها ..ولم نكسب فيها أى جولة .
أتدرى ما هى الحرب الذى نحن فيها ..انها ليست بين جيش دولة وجيشنا ولكن هى بيننا وبين أنفسنا .
منها حروب طاغية ... ففى حرب السلام 98 مات مننا 1400 واحد والعدو أخذ سبع سنين سجن .
قطار الصعيد ..مات ما فية وبل وتفحموا ..والعدو لم يحدث لة شئ
قطار العياط 1 و2 مات مافية من البشر والعدو لم يحدث لة شئ
حروب أستنزاف
قتل شخص لشخص والتى أصبحت عادة فى أى مكان
حوادث السيارات اليومية ..كم عدد القتلى فيهم ؟؟
دا غير الامراض الناتجة عن الماء الملوث والأكل المسرطن .. والامراض كلها الى مفيش مرض غير ودخل عندنا ..بيموت قد اية ؟؟
والعدو قاعد فى الفيلا بتاعتة مروق دماغة .
صدقت ان احنا فى حرب .. والمشكلة اننا دائما خاسرين كل الجولات ..فالعدو لا بحدث لة شئ .
طيب مندخل حرب تانية يمكن أحسن من دى ... على الأقل أحتمال ان العدو فيها هيحصلة حاجة ..وكمان هنرفع العار والذل اللى احنا فية .
هنحارب مين
هنحارب أسرائيل اللى خالفت ما كان فى بنود معاهدة السلام ..ودخلت الأماكن المقدسة ..وأعتدت عليها ...وحرقتها .
ندخل الحرب دى ..يمكن حتى نغلب فية ..على الاقل فية أحتمال أنك تغلب ..او تنتصر ..مش كفاية انك طول الوقت مغلوب .
بدل الحرب الخاسرة ... نريد حرب يحتمل ان لا نخسر فيها
رحم الله شهداء العياط الاولى والثانية ورحم الله شهداء العبارة ..ورحم الله كل من ماتوا فى هذة الحرب الشديدة التى لا هوادة فيها .

حوارى فى الجورنال

2009-10-23T00:11:00.005+02:00

قررت أسماء رمضان بعمل حوار مع العبد لله

فى جريدة العالم اليوم

بصفحة المدونخانة

طيب العبدلله خاف على الجريدة

يعنى مثلا الاس تشترى العدد اللى انا فية من هنا

بعد كدة تلاقى جروب على الفيس بوك

بيدعو الى مقاطعة جريدة المال والعقار

وانا هعزرهم برضة عندهم حق

يعنى صورة العبد لله محطوطة قدامهم كدة فى الجريدة كدة

وبعدين تلاقى نص الشعب جالة شلل

والنص التانى جلل جنان ..والباقى لسة عايش بطبيعتى بس اعراض جانبية هتأثر علية على المدة الطويل

وعلشان اللى محصلوش حاجة من دى

جبتها هنا المدونة ..وذلك لمحبتى للمدونين كلهم

نفر ..نفر

اسيبكم مع الحوار بقى

أقرأ..ولا تكتفى بالنظر فقط ..علشان المفعول يشتغل

اضغط عليها هتكبر

بس الصراحة حوار جميل ..والف شكر لأسماء رمضان

على الحوار الجميل دة ..اللى انا استمتعت بية شخصيا

20 عاما من العطاء..مش اخد شوية بقى

2009-10-14T23:36:00.002+02:00

عيادة طبيب الاسنان فى هذا الوقت كانت مزدحمة جدا بعد ان أكل الناس كل الحلويات الموجودة فى السوق فكانو يحتفلون بالمولد النبوى ومن قبلها ب6 ايام كانو يحتفلون بنصر اكتوبر بمرور 16 عام على النصر ..وكانت الأفراح تملئ المكان ..وبعد يومين من المولد النبوى أكتمل القمر واصبح بدراً منيرا وظهرت الفرحة بهبوط ثانى انسان فى بيتنا وهو أنا

لينزل الى هذة الدنيا يبكى برضة زى اى مولود جديد ..لم اكن ابكى لشئ ..وانما وجدت كل من حولى مبسوط ..قلت انا لازم اكون مختلف عن هذة البشرية ..وبدأت بالبكاء..والكل قام بحملى ..وكأنهم وجدو الكنز الذى يبحثون عنهم من سنين .

ثم اخذونى وسمونى ..لم يسممونى ولكنهم سمونى اسما..وسميت مصطفى..نسبة الى المصطفى صلى الله علية وسلم ... ثم لما علمت ان كل الاطفال الصغار يبكون ..لم اعد ابكى ..فأنا اذكر وانا عندى شهرين كدة ..انى وقعت من على السرير..على الراض وانا نائم ..لم ابكى ولكن قمت بأكمال نومى متمنيا لى نوما سعيدا ..وافطار شهيا .. وبعد ان تغيبتنى امى بأنى نائم بقالى فترة ..وهذة ليس كعادة الاطفال مثلى –بينامو 5 دقائق ويصحو كل شوية – فدخلت الغرفة لتجدنى لافف البطنية حولى ونائم تحت السرير ..وكان ما كان ..ومرت الشهور..فلما ذهقت من كثرة الجلوس ..قمت بالحبى فى كل أرجاء العالم الذى اراة وهو بيتنا .. ومرت السنين ومشيت على رجلى ..فكان فى هذا التوقيت كل اللى يشوفنى يبوسنى وخاصة الحريم.. الا اننى كنت فاهم بس مطنش ..

وذهبت الى المدرسة الذى كنت فى اول ذهابى اليها .. سعيد واريد ا اذهب كل عشر دقائق المدرسة ..الا ان هذا الاحساس تغير بمرور السنوات .. ولم أعد اتيق المدرسة ..فاتذكر اننى ذهبت الى عمى لاخذ درس انجليزى عندة ..وضايقنى فوقفت على ترابيزة المكتب بتاعتة ..وقولة له "بص ياعم ..انا معدش واخد انجليزى خالص"..كان بداية دراستى مع الانجليزى فى اولى ابتدائى ..ومن ساعتها اصبحت حبى للانجليزى ..كحبى لاسرائيل كدة ...عشرون عاما اتعلم من المدارس ومن الحياة ..الا اننى اكتشفت اننى لم اتعلم شئ فى العشرون عاما هذة من التعليم والمرور ..بأربعة مراحل دراسية ..ليس لهم اى فائدة .. خالص ..الى انى قاربت على الانتهاء من هذة الدراسة البالية ..فلا اعرف نفسى الا عندما عرفت التدوين لتصل كلماتى الى كل الناس ..فى كل مكان لاجلس اليوم واتذكر كل ما مضى من عمرى ...واكتب لكم بعض ذكرياتى ..فقد مر 20 عاما منهم 10 اعوام نوم ..و5 اعوام فى المدرسة طالع عينى ..و3 اعوام قاعدة على الكمبيوتر ..وعامين مابين صرمحة فى الشوارع ومذاكرة من اجل النجاح ..فى المناهج الدراسية.

حدث فى مثل هذا اليوم

14 اكتوبر 1973:وقوع 14 طائرة من الطيران الاسرائيلى ..مما ادى ال خسارة كبير جدا

14 اكتوبر 1981:تولى الرئيس محمد حسنى مبارك رئسة الجمهورية ..وتم تعينة رئيسا الا ان يشاء الله .

14 اكتوبر 1989:ولد مصطفى محمد صاحب مدونة فك زنقة –اللى محدش يعرفها- وصاحب هذا المقال

14 اكتوبر 2009:مؤتمر لعدم التوريث ليقيمة ايمن نور ..ضد جمال مبارك ..وعمل انصار جمال مبارك ضد الاخوان وايمن نور ..وهتبقى ولعة .

كل سنة وانا طيب ..وعيد مصطفى ..ما انا هخصخصة بقى..واللى مش عاجبة يشوفلة مدونة تانية .

البلد عايزة راجل

2009-10-12T12:23:00.002+02:00

بنود تطبيق المؤتمر العالمى للسكان فى مصر عام 1986

معظم البنود تخالف الشريعة الاسلامية والتى تطبقها مصر

كيف يمكن لمصر تطبيق هذة الامور المخالفة للشريعة ؟

هى طريقة واحدة لفعل ذلك ..ان يخرج هذة الاشياء المخالفة للدين من الدين وانها ليس لها صلة بالاسلام .. ولن يقوم بهذا الا شيخ من الشيوخ الكبار وخاصة الازهريين والمفتى الخاص بالجمهورية.

تولى محمد سيد طنطاوى الافتاء فى 28 اكتوبر 1986

وبعد 10 اعوام تم تعينة كشيخ للازهر ...وكان اول شخص يتم تعينة من قبل الحكومة كشيخ للأزهر ..بعد ان كانت بالانتخاب من قبل الازهريين انفسهم.

ختان الاناث

خرج البعض وقال ان لا يجوز ختان الاناث ..وهذة عادة سيئة ..وافقهم بعض الشيوخ على ان الختان ليس من الدين ..وأن حديث البخارى ضعيف ..وحدثت ضجة اعلامية ..قرار بوقف ختان الاناث فى المستشفيات ..ضجة اعلامية اخرى بين مؤيد ومعارض .. ماتش كور كبير ..الناس نست وطبق القرار.

النقاب

ذهب شيخ الازهر الى مدرسة أمر بنت ان تخلع النقاب ..وقال لها انة عادة وليس عبادة .. قرار بعدم ارتداء النقاب فى المعاهد الازهرية ..قرار بعدة بيوم بمنع المنتقبات من دخول المدن الجامعية ..ضجة اعلامية .. والكل بين مؤيد ومعارض لهذا القرار

الى هنا ماحدث ..نأتى الى ما سيحدث

بما ان النقاب عادة وليس عبادة ..ومن الناس من يستترن خلف النقاب ..اذن يجب منع النقاب من مصر نهائيا ..ضجعة اعلامية اخرى.. خبر ظهور انفلونزا الحمير ..انشغل الناس ونسيوا الامر وطبق القرار

تعدد الزوجات

البعض يخرج ليمنع تعدد الزوحات من مصر ..لا احد ينصت الية فى الاول .. تدخل شيخ من شيوخ الحكومة .. قال ان تعدد الزوجات من الامور اللى ليست ضرورية .. والضرورات تبيح المحذورات ..والرجل يظلم الزوجة الاولى من الزواج ..قرار بمنع تعدد الزوجات فى مصر ..ضجة اعلامية بين مؤيد ومعارض .. مصر فى دورة الكرة المهلبية ..ينشغل الناس وينسو ..ويطبق القرار.

وهكذا يطبق كل قرار فى دولتنا ..بطريقة بسيطة وسهلة ونتيجتها مية مية ..ويظل الناس مغيبون تماما .. الى ان يصل الى الحجاب والصوم والصلاة..واذكر حديث الرسول "لتنقضن عرى الاسلام عروة عروة كلما انتقضت عروة تشبث الناس باللتي تليها فأولهن نقضا الحكم وآخرها الصلاة"..وقد حل الحكم ..ونحن فى الطريق الى ان تحل عروة الصلاة.

م الاخر ...البلد دى عايزة راجل

مصر المباركة وشوية اخبار

2009-10-05T17:34:00.004+02:00

نشرة الاخبار التاسعة والثلاثون

ظهور حملة "مدونتك هتنقذ طفلك"والتى سعت جاهدة مدونة رسول الله "طهر فؤادك"بهذة المبادرة التى تحث على التبرع لمستشفى 57357..الى نشرها فى كل مكان فى المدونات ..وتم وضعها على يمين المدونة ..ايوة هنا ..ولها جروب على الفيس بوك يمكنك الاشتراك فية .

تم نشر موضوع عن قناة فور شباب - انا اللى كاتبة والله- الذى لم يراه ويريد ان يراهة ...يضغط هنا

مصر المباركة جميلة ونظيفة وكلها سرور ..ليست مصر القديمة ولا اقصد المدرسة ولكنى قصدت موضوعى على مجلة ميكانو..وان لم تفتح المجلة معكم فالموضوع انا جبتة هنا علشان تقراوة .

إن الحياة المباركة الذى يعيشها الشعب المصرى والتى تتضح فى كل الجوانب من حولة بما تحوى من جمال فى الطبيعة الخلابة ..فهذا كله لم ينتج الا عندما اصبح كل شئ من حولك نظيف ومرتب ..من شوارع وطرق وقطارات ومدارس ومستشفيات ..فهذة الطبيعة اوجدت عند المواطن المصرى -الغالى عند حكومتة- السرور والبهجة ..واصبحت الابتسامة هى السمة الاساسية على وجهه..واجتمع فى المجتمع بكاملة أهم شيئين يتطلع اليهم المجتمع وهم الحب والعدل ..حتى اصبح الشعب كله يسمى نفسة اما حبيب او حبيبة او عدلى او عديلة ..

وعندما وجد المواطن نفسة غالى فى كل مكان يذهب اليه سواء أكان البيت او الغيط ...فردت إليه صحتة من جديد واصبحت صحتة مثل صحة الانسان الجبلى ..التى لا تؤثر فيه اى شئ ..واصبح يحمل كل شئ ..مثل الجمل الذى يحمل اى شئ ويمشى فى الصحراء ولا يهمه جوع أو عطش.

عزيزى المواطن المبارك ...اذا اردت ان تعيش فى هذة الحياة المباركة طوال عمرك ..رشح الحزب المبارك ..ليظل التطور الطبيعى للحياة المباركة التى تعيشها .

امضاء

امك مصر المباركة

الاسلام بين الدين والسياسة

2009-09-30T17:19:00.003+02:00

untitled.JPG (image)

العرب قبل الاسلام كانو قبائل وشيع ..وكان بينهم الكراهية والبغضاء والحروب التى دامت الحرب منها حوالى 40 عام من اجل ناقة او غيرها..كانوا من المستحيل أن يتحودوا كلهم تحت راية واحدة ..رغم انهم كلهم كانوا عرب ويتحدثون اللغة العربية ..وحاول الكثيرون ان يجمع شملهم ولكن لم يستطيع ..الا ان جاء سيدنا محمد (ص) بوحى من عند ربة ورسالة ..فقد جاء بالنبوة بين العرب ..وبدأ فى نشر الدين فى كل مكان ..ووحد بين العرب كلهم ..تحت راية الاسلام ..وليس العروبة ..ورغم انة اسلم البعض ولم يسلم البعض الاخر ..الا انهم جميعهم اتفقوا على حكم الاسلام لهم ..ولم يقتصر الاسلام على توحيد العرب فقط ..وانما وحد اكثر من ثلث العالم – من الاندلس حتى الصين - تحت راية واحدة ...وكان النور يسطع فى كل مكان ..وكانت اوربا تعيش وقتها عصر الظلمات.
وبعد ان كان الحكم السائد فى العالم هو الحكم الاسلامى والشريعة الاسلامية ..واحب الجميع الحكم الذى يتسم بالعدل ..بين الكبير والصغير والمسلم وغير المسلم .
الا ان بدأ التخلى عن هذة الشريعة خطوة خطوة ..فبدأ مع بُعد الناس والمجتمعات عن الدين ..وظلم وجور الحكام وعدم الاحتكام لشريعة الاسلام ..وجائو الاوروبيين الى الدول الاسلامية واخذوا منها العلم والحضارة عن طريق الحروب الصليبية والاندلس والتجارة ..وبدأو يطورون هذا العلم ويُعلمِوة للناس..وبدأنا نحن بالتخلى عنة وتركة ..الا ان قام الاحتلال ..باحتلال اراضينا ..ونسينا ديننا وفكرنا وتاريخنا وعادتنا وتقاليدنا ...وانبهرنا بما عندهم ..من خير وشر ..ومن جميل وقبيح ..واردنا ان نتطور مثلهم ..فلم نأخذ الخير ولا الجميل ..وانما اخذنا الشر والقبيح.. فاذددنا سوء على سوء.
ليأتى اليوم..لتصبح المواطنة هى الشعار الجديد للقبلية زمان...وترى عدم اتفاق فى الوحدة العربية.. فمنذ متى العرب يتفقون ؟؟... ويخرج أناس ينادون بفضل الدين عن السياسة..فكيف تفصلون الدين الذى جعل لكم كلمة وجمعكم وحكم العالم كلة عن سياستكم ..افلا تعقلون ..افلا تنظرون الى ماضيكم ولومرة ...لا تتعلمون من انفسكم ومن تجارب اجيالكم السابقة .
انة الاسلام ..حل لأى مشكلة تواجة العالم ..فهو الحل الوحيد للوحدة ...وهو الحل الوحيد للتعايش بين الناس ..وهو الحل الوحيد لاصلاح الاقتصاد والسياسة فى كل العالم ..فهو اول من اسس الدولة المدنية .
قال عمر بن الخطاب:"نحن قوم اعزنا الله بالأسلام فإن ابتغينا العزة فى غيرها ازلنا الله"

2009-09-20T03:07:00.002+02:00

كل سنة وانتوا طيبين
ماااااااااااااااااااء

لا لا لا لا لا
كحك

اولا ..احب اقول لكل المدونين واللى بيزورونى كل سنة وانتوا كلكم طيبين
ويارب يجعل كل ايامكم اعياد وفرح

ثانيا :بالنسبة للعيد ...
احب اقولكم انى العيد بالنسبة لى هى ...صلاة العيد ..وباذات لما تكون فى الساحة
لمة الناس كدة فى الاعياد ...فى الخلاء -الساحة يعنى مش الحمام-
والفرحة على وشوش الناس ..والكل اقاعد يبوس فى كلة
وانفلونزا هتنتشر لما تقول بس

وياسلام على العرسان فى اليوم دة
يعنى اى بنت عايزة عريس ..تروح تصلى فى الساحة ..بيعملوا شغل جامد
وبقى لما تلاقى البنات كلهم كدة لبسين عبيات ...ومحترمين كدة
تقول ياسلام اية التقوى والايام اللى نزلت على البلد دى
بس العجيب بقى ...انك تلاقى واحدة جاية لابسة ..بنطلون محزق وجاية تصلى
مش عارف جاية تصلى دى ..ولا تعمل اية دى

وطبعا العبيات دى ساعة الصلاة بس ..بعد كدة الحاجات دى كلها بتتغير
وتلاقى البلاوى كلها طلعت بعد الصلاة ..ايش شوية هشك ..وشوية بشك
واهى ماشية اهية ..
وبالذات بقى الشيطان لسة طالع وبقالوا شهر محبوس ...وهيطلع عذاب الشهر فى اليويمن دول
فتلاقى بقى حاجات طلعت تانى ...تحرش بقى وبلاوى سودة
ربنا يبعد عننا البلاوى السودة يارب.

على العموم ..انا اقعد امسك فى نفسى ..علشان معكننش عليكوا
بس هعمل اية ...ايدى مش عارفة تقعد سا كتة

ومن هنا احب اوجة تحياتى لك الناس اللى بحبهم وبيحبونى
ولكل المدونين الجمال ...اللى حببونى فى التدوين والكتابة
والى الحاجة ام عبدة ...صاحبة اكبر محلات بقالة فى ارض الاسكان
هو اة محل حق ...بس فيه اى حاجة تتخيلها .

والى السيد رئيس الجمهورية ...احب ان اقول لسيادتك
ان عيد مبارك ..ويارب يبقى ملئ بالجمال.. وتمتلئ نفسك بالسرور

الخنازير جتلنا ..ربنا يستر

2009-09-12T14:19:00.002+02:00

انها انفلونزا الخنازير الذى اهلت علينا من اقصى الشرق من امريكا ...فعملت ترانزيت فى مصر.زوعجبتها فقعدت
ومش بس كدة ..دا سابت الدنبا كلها وسابت مصر كلها وبدأت من عندنا
ايوة من عندنا ...احنا اللى سيرتنا بقت على كل لسان بعد ما حد مكانش يسمع عننا او يعرفنا
هى المدينة الوحيدة بعد العاصمة التى تظهر فيها انفلونزا الخنازير
انها بلقاس....الدقهلية
بلد المن والامان وانفلونزا الخنازير
نحن من سنصدر انفلوناز الخنازير الى مجلس الشعب
فقد اصيبت النايبة بتاعتنا ..الحاجة هيام عامر...بأنفلونزا الخنازير ...وهى تعتبر النايبة من ضمن 3 نواب حريم اترشحوا بالانتخاب
بعد ماراحت بوسى فى انفلونزا الخنازير من عندنا وهى تانى حالة تموت فى مصر بانفلونزا الخنازير.
ولغاية الوقتى 6 حالات من عندنا ...فربنا يستر علينا
واللى يجيلوا الحاجات دى يروح يحلل على طول
اعراض البرد العادية ....
بعنى رشح مع ارتفاع لدرجة الحرارة ..يروح يحلل ...ولو فية بقى احتقان من الحلق ورعشة وكحة وضعف او وهن عام
طرق الوقاية :: متبوسش اى حد سواء كان عندة أو معندوش ...
وحاول تبعد عن اى واحد عندة برد ..حتى لو كان برد وانفلونزا عادية .

طيب العلاج اية ...والعلاج دة خاص بالمصريين اللى بياكلوا فول ومعدتهم حديد .. انك ممكن تاخد اى مضاد حيوى للبرد العادى ...
او تاخد الدواء دة flu vaccine...وطبعا يبقى باستشارة الطبيب ..وبد التحاليل..علشان محدش يقول انا ودتكم فى داهية.
الدراسة اتأجلت ليوم 3 اكتوبر ...خبر قديم انا عارف
ربنا يستر علينا ...ادعولنا كدة بظاهر الغايب
والا اعطس فى وش واحد اجيبلة انفلونزا الخنازير ...وهو حر بقى

امريكا طلعت القمر ولا طلعت شبرا

2009-09-02T17:06:00.002+02:00

فى 12ابريل 1961 راح يورى جاجارين ولف حولين الارض فى الفضاء الخارجى ودى كان اول واحد يعمل كدة ...وزاد بعد الموضوع دة قوة للاتحاد السوفيتى على منافستها ان ذاك وهى امريكا ..فطبعا امريكا قالت هنعمل اية فى الموضوع دة ..لازم يبقى لينا سبق احنا كمان علشان نقدر نتفوق على الاتحاد السوفيتى ..قام جاى جون كندى واخدة الحماسة وطلع قال "بأن على الولايات المتحدة ان تعمل على ايصال الانسان الى سطح القمر واعادتة بسلام قبل نهاية العقد الحالى" والكلام دة كان بعد لف جاجارين حوالين الارض بحوالى شهر يعنى يوم 25 ابريل.

واللى مسكت الموضوع دة هى وكالة ناسا ...وطبعا قعدت تعمل محاولات ومحاولات علشان تتطلع القمر فى نهاية العقد لان كان لازم دولة تقع من الدولتين اما الاتحاد وامريكا .

بس هما فشلوا واثبتوا فشلهم فى سنة 1967..لما ثلاثة رواد ماتوا فى الفضاء –فيرجيل جريسوم وايد وايت وروجر شافى- ودة زاد من سؤ شكل امريكا امام العالم وخاصة قدام منافسها الاتحاد السوفيتى ...و لم يتبقى على نهاية العقد الا 3 سنوات .

جأت وكالة ناسا فى 20 يوليو 1969 ووضعت اول انسان على القمر وهو نيل ارمسترنج..على المركبة ابوللو 11 ..ودة قبل نهاية العقد بخمسة اشهر فقط ...وكان نقطة تحويل للعالم.

ورغم كدة فى ناس كتير مصدقتش الموضوع دة ..وقال انها حكاية مفبركة ..وقالوا بأن ناسا الفتها علشان التنافس التكنولوجى مع الاتحاد السويفيتى ..وعلشان وعد كيندى اللى قالة فى اول العقد ..واشار الى ذلك الى ان هناك ستة فى المائة من الامريكا لم يصدقوا ذلك ..و 25 فى المائة من البريطانين لم يصدقوا ايضا ذلك ...وطبعا احنا هنا فى مصر صدقنا لان اى حاجة من الغرب يقولها بنصدقها على طول ..ومعندناش لحظة تفكير واحدة

طبعا السؤال اللى بيدور فى راسك ..طيب الصور دى منين؟؟

الاجابة فى انهم صورا دة فى صحراء فى امريكا ..او فى استديو عملينة والكلام دة مش عندى دة تصريح من CNN اكبر وكالة اعلامية فى امريكا

كمان فى ادلة على ان الصور دى مش من على القمر .

· الدليل الاول: صورة العلم الامريكى كان يرفرف على القمرودة طبعا علشان فى هواء بيحركة ..الى ان الاثباتات العلمية اثبتت ان مفيش هواء على القمر..الا لو كانوا واخدين معاهم مروحة توشيبا العربى وحطينها جنب العلم.

· الدليل الثانى: خيال الرواد .. اللى كان داخل فى بعضة ومش متوازى ..ودة بيأكد على ان هناك مصدر غير طبيعى للضوء يعنى مثلا لمبة نيون ..او لمبة موفرة من ام 15 جنية

· الدليل الثالث:تصوير الرحلة تصوير فيديو كان تصوير ملوش حل .. مع ان معظم التصوير اللى فى الفضاء بيبقى ردئ بسبب قلة التقنيات فى هذا الوقت.

· الدليل الرابع: فى اشعة على القمر قاتلة للأنسان اسمها ""Van Allen وموجودة فى الفضاء وبتسبب تساقط للشعر ثم تقرحات بالجلد ثم سرطان ثم موت.

· الدليل الخامس: المكوك لما نزل معملش اى عفرة طلعت ولا اى حاجة من دى ولكأنة نازل على حتة مسفلتة

· الدليل السادس مفيش ولا نجم فى الصورة ...الظاهر كدة النجوم كانت واخدة اجازة يوميها

دا غير فى ادلة كدة كتييير جدا غير دى بس انا اكتفيت بدى ...يعنى معظم الادلة بتثبت انهم لا طلعوا القمر ولا طلعوا حتى شبرا

كل اللى مضايقنى من الموضوع ان فى مدرس ضربنى عصيتين من عشر سنين علشان مكنتش حافظ اسم اول واحد هبط على القمر .. دلوقتى بعد ما اثبتنا انة مطلعش على القمر ...اخد خقى منة ازاى بقى .

كتاب سوسة مصر ..اول كتاب الكترونى

2009-08-30T17:09:00.003+02:00

اول كتاب الكترونى

تابع لجروب "خلى مدونتك كتاب"

كتاب سوسة مصر

كتاب اجتماعى ساخر

عن مدونة فك زنقةhttp://fak-zanka.blogspot.com/

بأسم مصطفى محمد

الكتاب مساحتة 431كيلو بايت

شكل الكتاب

لتحميل الكتاب

عمل الكتاب دة

كنموذج تجريبى..للكتب

مستنين تقيمكم فى الكتاب

ونظام الكتاب

ولو فى اى مشكلة

او اى تعليق

او استفسار مستنينة

عفوا..هذا موظف حكومى

2009-08-27T16:49:00.004+02:00

عندما تذهب الى مصلحة حكومية..تشعر وكأنك سافرت الى دولة من دول جنوب شرق اسيا..لا هم ليسوا شكلهم ..ولكن تلاحظ انهم جميعهم استايل واحد..وكلهم شكل واحد..واستمبة واحدة...سواء كان فى شكلهم ام فى لبسهم ..فالكل يلبس القميص اللى مخيطة عند مصيلحى الخياط..مع البنطلون اللى مليان كُسر..من فوق..ويضع القميص فى البنطلون ليظهر هذا الكرش الكبير الذى يمتد حوالى مترين قدام ..

يجلس هذا الموظف على هذا المكتب الكبير...والذى يمتلأ بجبلين من الورق من كل جانب ليظهر من بين هذين الجبلين عينية... وتظهر هذة اللوحة الموجودة خلفة والمكتوب عليها "الصبر".

فالورق الذى امامة بتاع اشخاص مغضوب عليهم ..فلم يقبوا بالمعلوم ..وما ينجز لة ورقة ... ومن جمال الروتين بتاعنا ..انك بتمر على يجى خمسمتلاف موظف كل واحد منهم عايز معلوم ...فتدخل الى هذة المصلحة الحكومية ...لتخرج وانت لا تملك الاهذا البنطلون الذى تلبسة ... (والحمد لله انك خرجت بية )

فتكون افندى بخمس جنيهات..وباشا بعشرة جنيهات..وأذا اكثرت اكثر من ذلك هتبقى معالى الباشا..وكرسى نضيف تقعد علية ..وثوانى هخلصلك الورق وارجعلك .
وتظل هذة العمولة (الرشوة سابقا)هى سبب تخليص مصلحتك ..ومع ذلك لا يظهر على الموظفين الذين بتعاملون بالرشوة نضافة ابدا..وهكذا الحرام يمحى الرضا من البيت والمجتمع ..ويظل المعفن معفن طول عمرة .

نشرة اخبار السادسة والستون بقى

تم افتتاح جروب "خلى مدونتك كتاب"

انتظرواااااااااا
سوسة مصر
قريباااااااااااااا

رمضان جانا

2009-08-19T12:41:00.002+03:00

رمضان جانا
عندما نتذكر رمضان فى الماضى ..تتذكر الشراشيب والفوانيس فى كل مكان ..تتذكر الفرحة التى تراها على وجوة الناس
تتذكر المحشى اللى مصر كلها بتعملة اول يوم رمضان

رمضان شهر الصيام
تجد فية افخم الاكل والشرب التى لم تجدها فى الاشهر الاخرى .. تجد فية التفكير فى الاكل اكثر من التفكير فى الصيام
فتجد التمر والعرقسوس وتمر هندى والفزدق والمكسرات والكنافة والقطايف وغيرها من الاكل الكثير الذى يزداد فى رمضان بل ومعظم لا تراة الا فى رمضان .

رمضان شهر العبادة
ولذلك تجد كل من حولك يساعدونك على العبادة من مسلسلات رمضان التى اصبحت اكثر من وقت اليوم بالكامل .فهناك اكثر من 70 مسلسل فى رمضان ...علشان تسلى صيامك ..تجد البنات يتحجبن بوضع قماشة على رأسهم ولكن هذة القماشة بيأصوها من بقية هدومهم فتلاقيها اتحجبت من فوق وقلعت من تحت ... تجد الشباب يقفن على النواصى قبل مدفع الافطار ليعاكسون البناتوهذة تسلية لوقت الصيام .

رمضان
تجد المساجد قد امتلئت على اخرها فى اول يوم وتانى يوم ,ثم تبدأ فى التناقص على نصف الشهر ثم يزدادون فى نهاية الشهر علشان ليلة القدر ..فالمساجد تمتلئ فى حالة صلاة الجمعة وفى رمضان وفى امتحانات الثانوية العامة .

جأتنى رسالة تقول "لا تقل رمضان كريم ...قل رمضان مبارك"
اعتقد انها اتية من الحزب الوطنى

كل عام وانتم بخير

يبقى انت اكيد فى جامعة المنصورة

2009-08-14T15:49:00.003+03:00

لما تحل فى مادة مية مية ...وتشيلها
يبقى انت اكيد فى جامعة المنصورة
لما تحل فى مادة زى الزفت..وتقدر فيها
يبقى انت اكيد فى جامعة المنصورة
لما تكون بتشرح مادة لاصحابك..وتجيب اقل واحد فيهم
يبقى انت اكيد فى جامعة المنصورة
لما تلاقى دكتور معقد نفسيا..غايتة ان يسقط الطلاب
يبقى انت اكيد فى جامعة المنصورة
لما تجيب كتاب الدكتور وتذاكر منة...ومتفهمش حاجة
يبقى انت اكيد فى جامعة المنصورة
لما تجيب ورق خارجى وتذاكرة ...وتفهم المنهج
يبقى انت اكيد فى جامعة المنصورة
لما تختار النجاح والعلم بجد..وتلاقى كل اللى حواليك بيفشلوك
يبقى انت اكيد فى جامعة المنصورة
لما تبقى متفوق مادة طول عمرك ...وييشيلوهالك فى الكلية
يبقى انت اكيد فى جامعة المنصورة
لما تلاقى كلية ..مبتدكش تقدير ..لانك هتدفع اقل لو جبت تقدير
يبقى انت اكيد فى جامعة المنصورة
لما تحضر محاضرات وسكاشن وتلتزم ...وتفشل
يبقى انت اكيد فى جامعة المنصورة
لما تفكر وتضيف جديد...وكل اللى حواليك عايز الثابت
يبقى انت اكيد فى جامعة المنصورة
لما تلاقى نفسك قاعد فى مدرج المهدى وحواليك عشرة الاف واحد
يبقى انت اكيد فى جامعة المنصورة
لما تلاقى الجمال ..هو اقبح شئ
يبقى انت اكيد فى جامعة المنصورة
لما تلاقى العجب والصيام مع سمير رجب
يبقى انت اكيد فى جامعة المنصورة
لما تكون جعان ..تقوم تروح للبغل
يبقى انت اكيد فى جامعة المنصورة

أخبار بورصة التهييس

2009-08-02T15:29:00.002+03:00

طرح أسهم جديدة فى البورصة لرغيف العيش وذلك للإكتئاب العام

لجميع فئات الشعب وعلى جميع افراد الشعب الاشتراك فى الاكتئاب و سيتم توزيع الاسهم على هيئة ديل فار بداخل الرغيف مع العلم بأن اذا جمعت الفار تاخد رغفين هدية.

بعد انتحار الكثير بسبب خسائرهم فى البورصة .. ٌقررت الحكومة بزيادة فى الخسائر ليزداد كمية الانتحار الذى يزيد الوفيات مما ينتج عنة تقليل فى عدد السكان ..فتكون قد حُلت المشكلة السكانية.

حدوث مضاربة كبيرة بين الاسهم وبعضها مما ادى الى سقوط 20 جريح منهم 2 فى حالة خطرة وأيضا تم غلق السوق على صباع أحد الاسهم مما نتج عنة قطع بوز السهم.

عمل اضراب كامل لأسهم الغزل والنسيج وذلك احتجاجاَ على عملية الصكوك وانهم احسوا بأنهم اتصكوا على قفاهم.

تعلن شركة غازأبو ماضى بتوزيع اسهم غاز مجانية مع امكانية التوصيل للمنازل وذلك لغير المصريين.

أما اذ انتقلنا الى بورصة التهيس العالمية فنجد أن "الجزمة" الاقتصادية اثرت على كل شباشب العالم وارتفاع تضخم القباقيب وقد صرح الرئيس الامريكى بصرف قباب لكل مواطن وذلك لضرب البورص المصرى لانة يقوم بالتحرش بالبورصة الأمريكية .

أزاى نسامح بعض

2009-07-29T15:16:00.001+03:00

نظرا لكلام اختنا "البت المشمشية ..حلوة بس شقية"

وانقلاب معظم المدونات الى هذا الموضوع

وهو موضوع "ازاى نسامح بعض"

فالتسامح قد يكون نعمة كبير للأنسان قد يشعر بعدها براحة نفسية لا يشعر بها من قبل

وبالرغم ان التسامح قد يكون شديد على الانسان فى بعض الاوقات

وذلك لنظر البعض فى انة نوع من انواع الضعف امام الشخص الاخر

ولكن اذ وضعنا انفسنا مكان الشخص الاخر سنجد العكس

فلو قام احد بمسامحتى على شئ ..سيكبر فى نظرى جدا

وسيكون انسان غالى بالنسبة لى

ولقد ضرب رسول الله ـ صلى الله عليه وسلم ـ عشرات الأمثلة على التسامح والعفو، وعلى نفس الدرب سار الصحابة رضوان الله عليهم .. قال الله تعالى:"خذ العفو وأمر بالعرف وأعرض عن الجاهلين" .
وقال تعالى: "وإن تعفو أقرب للتقوى" ..وقال صلى الله عليه وسلم: "أفضل أخلاق أهل الدنيا والآخرة أن تصل من قطعك وتعطي من حرمك وتعفو عمن ظلمك".

فنجد ان امثلة العفو والتسامح فى القرآن والاحاديث الشريفة كثيرة

اخى ..اختى

سامح كل من حولك ...ليرتاح قليك ..وتنعم بحياة سعيدة

اقبل الناس على ما هم عليه وسامحْ ما يبدرُ منهم , واعلمْ أن هذه هي سنة اللهِ في الناسِ والحياةِ .

كلمة انا اسف ليست عيب فقلها ..وانسى ما مضى

لا تغضب ، واصبر واكظم واحلم وسامح ؛ فالعمر قصير .

فتنة 2009

2009-07-24T17:57:00.002+03:00

رد الشيخ محمد حسان على المدعو عمرو خالد الضال المضل

هذة هى الجملة التى انتشرت جدا فى الايام الماضية ..رد شيخ على شيخ ..فانتشرت على الانترنت وعلى التليفونات الجوالة وسمعاها كثير من الناس ..وخاصة الشباب.

وبدا كل شاب ينفع ويدافع عن شيخة وعن استاذة ضد الشيخ الاخر وان شيخة لا يخطئ ابدا..وانما هو معصوم من الخطا.

فهذا الفيدو الشهير الذى قال فية الشيخ محمد حسان "انت اللى فاشل وافشل اهل الارض"..وطبعا اخوتنا الجمال انصار الشيخ محمد حسان ..لازم يبينوا الصواب فقاموا جايبين جزء من محاضرة لعمرو خالد ..والجزء بتاع الشيخ محمد حسان وطلعوا رد على عمرو خالد.

انصار الشيخ محمد حسان::الشيخ طبعا بيتكلم صح ..ازاى يقول كدة هو بيستهبل ولا اية ..اهى دى الردود ولابلاش

انصار الاستاذ عمرو خالد::شوف ضيق الافق وعملى نفسة شيخ ..اهما دول شيوخ السلفية التعبانين.

أنصار الرذيلة::اهما دول اللى انتوا بتسمعوهم قاعدين يهزقوا بعض ..ويشتموا بعض عى الفضائيات

وهكذا الكل نظر الى شيخة ودافع عنة بكل ما يملك ... والمستفيد الوحيد هو الشيطان...وظلنا همنا كلة هو ماقال الشيخ صحيح ولا خطأ..وندافع عن اى احد حتى لو اخطئ..ونسين الاهم من كل هذا وهو الدفاع عن الدين

فالشيخ محمد حسان وارد ان يخطئ..فهو ليس معصوم من الخطأ..فزمن العصمة ذهب بموت الرسول صلى الله علية وسلم

وكذلك الاستاذ عمرو خالد قد يخطئ...هو ايضا غير معصوم من الخطا

واى شيخ فى الدنيا يخطئ ويصيب...ولا احد معصوووووووم

طيب مارأى الشيخ محمد حسان فى الاستاذ عمرو خالد؟؟

سئل احد طلاب علم الشيخ محمد حسان سؤال فى درس الخميس بمسجد التوحيد بالمنصورة

طالب العلم:مارايك فى الحليق عمرو خالد؟

الشيخ محمد قال لة:انت مين انت علشان تتكلم على الاستاذ عمرو خالد ..الاستاذ عمرو قدم للاسلام والمسلمين اشياء كثيرة ..فقد اهتدى على يدة أناس كثيييييييييير..

قد يكون هذا المقطع لم ينشر على موقع اليوتيوب ولا يظهر ابدا..فطلاب العلم لا يريدون ان ينشروا هذ المقطع

قد يسأل البعض طيب ازاى مع ان الكلام دة بيتناقض مع الكلام اللى قبلة ..وهو اتهام بالفشل

دا طبعا غير الرد على مصطفى حسنى اللى الشيخ محمد حسان رد على موضوع البدعة فى خطبة ..وكذلك رد شيوخ اخرين مثل الشيخ ابو اسحاق الحوينى... والشيخ مازن السرساوى

هقولكم على حاجة احنا بنقع فيها كلنا ..هو الفرق بين تصحيح الخطأ والشخص نفسة

يعنى عندما يخطئ احد الاشخاص ..يجب تصحيح الخطأ..وبالذات لو كان لة تأثير على ناس كتيير

ولكن هذا لا يمنع ان الشخص سئ..او لا نسمعة

فلو كل شخص اخطأ لم نسمع لة ...لم يتبقى احد نسمع لة

انا بكتب الموضوع دة علشان اقولكم بأعلى صوتى

"احذروا الفتنة التى ستقع..وحرام عليكم بقى"

لان فية مخطط ..احنا بنعملة وغيرنا بيجهزة لينا ..والله العظيم مخطط ومتجهز لينا

الموضوع دة ان فضل على الحال دة ..فانا اتوقع فى أقل من خمس سنوات ستقع فتنة فى مصر

بين المسلمين والمسلمين ..لا وبين الملتزمين والملتزمين

كما حدث فى بعد وفاة الأمة الأربعة ..وتعصب كل شخص لشيخة وحدث بعدها مجازر من اجل الشيوخ

فقد تعلق الناس بالشيوخ ونسوا الاصل وهو الدين

هقولكم على اللى بيحصل

اول حاجة ..يرد الشيخ ذو مكانة بين الناس على خطأ لشيخ اخر ..قد يقع فية ..وهذا جائز..فيقوم طالب علم بلزق الاثنين بجانب بعض ويقول رد فلان على علان وينشرها على النت.

تانى حاجة ...يأتى شيخ مغمور لا يعرفة الكثيرون ..فيقوم بالرد على شيخ بالسب واللعن ..وهذا حراااااااام ..ويقوم اخرين لنشر هذا الرد ليشتهر هذا الرد

ثالث حاجة ..ودى الاهم ...هناك بعض الشيعة عملوا مواقع يسمونها "اهل السنة والجماعة"..من هذة المواقع التى تعطى السم فى شيوخ السنة ..فيقيمون بتكفير وذندقة الشيوخ ..وهؤلاء لا اعتقد انهم لم يتركوا شيخ الا واتهموة بالكفر

فقد اتهموا الاستاذ عمرو خالد والشيخ عائض القرنى والشيخ الالبانى رحمة لله ..والشيخ يوسف القرضاوى .

وقد استمع الى هذة الفيوهات اكثر من مليون شخص...وهذا فعلا بداية الخطر

طبعا انا واحد عادى او اى شخص ممكن يقع فى الخديعة بسرعة ..فانا لما لقيت الشيخ محمد والشيخ ابواسحاق بيردوا على شيخ اخر..فمن العادى انى لما الاقى حد تانى بيرد وبيكفر ..هفتكر انهم تابعين للشيوخ ..وطبعا الموضوع دة اسأة للاثنين

للكل سواء الرادد الو المردود علية

احذروا هذة الفيديوهات كلها سواء كانت رد لشيوخ ..او رد لناس تانية رويبضة ..سواء تابعين للشيعة او تابعين لجماعة التكفير والهجرة

والرجاء عدم نشرها على الانترنت ..لاننا نروج الى فتنة قادمة ..ليست عن الدين ولكن عن الشيوخ

وبالنسبة للشيوخ لازم نقبل الخطأ..فلو احد اخطأ مثلا ..نقبلة ونحسن النية بة..فنحن لسنا فى حرب

ولكل من يتكلم عن اى شيخ من شويخنا

او استاذ من اساتذتنا ..ان يتكلم باحترام

فهم قدموا للاسلام .

مالم يستطيع المتكلم عنهم ان يقدم شعرة مما قدموة

حفظهم الله لنا ..وجعلهم زخرا للاسلام والمسلمين

وثبتنا على الحق

فى النهاية أذكركم بحديث الرسولe

انظر إلى رسول الله e .. وقد رقى منبره يوماً ..

وخطب بأصحابه فرفع صوته حتى أسمع النساء العواتق في خدورها داخل بيوتهن ..!!

فقال e : يا معشر من آمن بلسانه ولم يدخل الإيمان إلى قلبه .. لا تغتابوا المسلمين .. ولا تتبعوا عوراتهم ..فإنه من يتبع عورة أخيه .. يتبع الله عورته .. ومن يتبع الله عورته .. يفضحه ولو في جوف بيته

**********************

اخى الكريم

لا يوجد احد معصوم من الخطأ

فكل أنسان يخطئ ويصيب فلا تتبع عوراتهم وأخطائهم

لا تهاجم شيخ من أجل شيخ أخر ...فنحن أقل من أن نهاجم

شاب السيس والسياسة

2009-07-14T15:42:00.004+03:00

بعد ان اطلقت كلمة الشاب السيس على كثير من الشباب بتاع توتى وفيفى ..والكلام بمياعة

الا ان اللى الناس متعرفوش ان كلمة السيس تأتى من السياسة..فمعنى كلمة الشاب السيس هو انة شاب سياسى بحت..هذا ما أوضح الاخ توتى

وفى انتخابات 2011 قرر شاب سيس من شباب اليومين دول ان يترشح كرئيس للجمهورية

واحنا ماشين قبلنا الشاب السيس اللى اسمة توتى اللى هيترشح لرئاسة الجمهورية وعملنة معاة حوار

أنا:اية اللى شجعك ياتوتى انك تدخل انتخابات زى انتخابات الرئاسة مرة واحدة؟؟

توتى:بص يامان انا بصراحة كدة ...لقيت ان رئاسة الجمهورية دى وظيفة كووووووووول اوى ..ودة رهان مع البت سوسو على كارت بعشرة جنية ..وكمان لقيت انى اقدر اظبط بنات اخر حاجة والموضوع دة عايزة سياسة جامدة مووووووووووت.

انا:طيب تقدر تقولنا برنامجك الانتخابى هيبقى فى اية بالظبط؟؟

توتى:هقولك على حاجة اللى انا هعملها ان البلد كلها تبقى سيس ..هنزل قرارات بأن كل واحد يسيس امورة مع واحدة واتنين وتلاتة ويعيش حياتى ..لازم الشعب يعيش..وكمان هدعم البانجو والحشيش علشان الناس اللى مش لاقية تاخدة ..والناس اللى مش لاقية عيش تشرب حشيش...وبالنسبة للبطالة انا هقضى عليها خالص ..بشغلانة بسيطة جدا وهو كل واحد يقعد يشتغل نفسة او يشتغل اللى جنبة والبلد تتملى اشتغالات وتبقى كووووووول كدة

انا:هل تتوقع انك هتلاقى اقبال من الناس ؟؟

توتى:طبعا هلاقى ..هو الشعب نفسة فى اية ان يهيس "وهيس هيس علشان تبقى شاب كويس"وانا بما انى خبرة سيس من زمان اعرف ازاى اسايس الشعب ..وانا بس لو رشحونى البنات اللى انا عارفهم هنجح على طول .

انا:بس شكلك كدة الناس مش هتتقبلة ..هما عايزين راجل "عذرا يعنى"؟

توتى :انا شكلى كدة هو دة اللى هيخلى الناس ترشحنى ..لما يلاقى شعرى اللى جايب الاف ام ..وبنطلونى الساقط والقميص اللى طالع منة حتة وداخل منة حتة وانك تبى ماشى سايب نفسك خالص..كل دة دليل على التغييير ومن موقعى هذا انا بقول للشعب المصرى انى بدأت التغيير من نفسى الاول .

أنا:وبالنسبة لسياستك الخارجية؟؟

توتى :لالالا..انا فى السياسة الخارجية دى اعجبك جدا..انا بس اروح اعمل حبت علاقات مع حريم العالم مع هلارى مثلا واخلى كلينتون يخلعها ..وانا بقى فى التسنيج انفعك اوى ..والمهم اخلى العالم كلة يهيس ويعمل دماغ كويس.

أنا : وقضية القدس والصرع الفلسطينى الاسرائيلى؟

توتى:القضية هتتحل فى كمتين نعمل قعدة عرب ..ونصفى بنهم وخلاص وكلة يروح لحالة ...بس انا اعرف بس القدس دى فين وانا على طول هروح انا بنفسى اخلص بين الاتنين ..وكلنا مصرييييييين

أنا: يظهر انك متعرفش حاجة عن فلسطين اصلا..على العموم اتقرفنا بمعرفك ونأسف للوقت اللى ضيعناة معاك

توتى :انا اللى اسعد بمعرفتك ..وهروح بقى الحق نانا علشان زعلت منى وانا ببوس كوكى

ومر عام كامل

2009-07-07T21:06:00.001+03:00

كنا فى مثل هذة الايام نجلس لنتسامر ونضحك ونفيد ونستفيد ..لنتكلم ويعلو البسمة شفتية الجميلتين ..فكانت هذة البسمة لاتفارقة ابداً ولهذة البسمة احبة الجميع ..وكلامة الجميل الذى يملئ كل الارجاء من حولنا.

تقابلنا صدفة فى البداية نجلس مع بعض فى المدرسة فأحببتة واحببنى وظلت علاقتنا مدى حياتة لا تنقطع ..وظلت الايام تدور وتدور ايام ثم أعوام وظللنا مع بعض طويلا...حتى جاء يوم وقابلتة ..ومشيت معة لشراء بعض الحاجات لة ..ثم ذهبنا الى بيتة وظللنا واقفين هناك نتكلم كما نتكلم مع بعض حتى جاء زملائة وأرادوا أن يأخذوة معة..فقلت لة بان يذهب مع زملائة ..ويالايتنى لم أقل لة ..فلم افكر قط ان هذة اللحظة ستكون اخر لحظة سأتكلم معة بها ..وقلت لة مع السلامة.

ومر هذا اليوم كأى يوم عادى ..وجاء اليوم الثانى ليمر على سلامى لة 24 ساعة فأراة سائقا للسيارة ..من بعيد هو وزملائة ويظل اصدقائة واصدقائى يروة كل واحد منهم فى مكان متغير..حتى جمعنا وجلسنا فى المكان الذى كنا نجلس فية دائما..لنتكلم ونضحك ..وفجأة

جأت عربة الاسعاف ومرت من جنبنا ..حتى انها تركت المستشفى واستمرت فى طريقها ..ونحن نضحك ونقول "هى عربية الاسعاف نست المستشفى ولا اية"..لم يخطر ببالنا قط انها ذاهبة لاحضار صديقنا الذى بين الحياة والموت ..فكنا نضحك وصديقنا يتألم من شدة الالم ...وذهبنا كل واحد الى بيتة ..لينام على سريرة الناعم ..ولا يعرف ان صديقة سينام اليوم فى قبر موحش ..وأستيقظت على بكاء وصراخ امى وهى تقول لى "اصحى بيقولوا ان صاحبك مصطفى مات"...وكأن أحد لطمنى بمرذبة على رأسى ..فلم استوعب الامر ابدا..ونزلت ومشيت فى الطرقات لا ادرى اين اذهب ولا من اين أتى ..حتى وصلت الى بيتة ..ووجدت أناس يجلسون على الكراسى فإزداد عدم استيعابى اكثر..وجأت الصدمة فلم افيق منها لمدة اسبوع ..امشى فى هذة الدنيا لا اعرف ما يجب ان افعل لصديقى.

ومر عام على هذا اليوم ..عام ننتظر رؤيتة فلا نراة الا فى المنام ..كأنة يأتى لنا لنشعر انة مازال بجانبنا..فلا نملك له الا دعاء ندعوة بة فى صلواتنا.

رحمك الله ياصديقى ..فقد ذهبت ..ولكن مازل قلبى يضع صورتك امامى ..ويتذكرها دائما بكل خيركنت تفعلة .

رحمك الله ..واسكنك الله فسيح جناتة ...وأسأل الله العظيم ان يجمعنا فى الفردوس الاعلى مع الصديقين والنبين والشهداء .

خارج النص:بعتذر عن هذا البوست الحزين ولكن قد تقولوا انة فضفضة مع القلب ومعكم .

الإحتلال الفلسطينى لإسرائيل

2009-07-01T17:32:00.001+03:00

تصدق بالله انا معدتش عارف مين اللى محتل مين اسرائيل اللى محتليا فلسطين ولا فلسطين اللى محتلى اسرائيل..طبعا انتوا هتستعجبوا ..بس الواقع اللى حواليك هو اللى واقع يتوة..ميعرفكش مين الظالم من مين المظلوم.

خبرين تحت بعض خلونى اكلم نفسى

الخبر الاول:زيادة نسبة تصدير الغاز الى اسرائيل الى 50% وبنفس السعر

فعلا يعنى اصل انتوا عارفين ياعينى على اسرئيل دى مقطوعة من شجرة وملهاش حد يمولها واية يعنى لو نزودلها شوية غاز مهو مرطرط عندنا اهوة ومش عارفين نودية فى حتة والفلوس مش مهم ..مش الشعب مرتاح اخر راحة ..ومن كتر الراحة بقى بيكلم نفسة ..وبعدين متنسوش دى جارتنا ..والنبى وصى على سابع جار ..زود ياعم ليهم كدة ...وخليك كريم كدة وبلاش جو البخل اللى انت عايش فية دة..والطب اتقدم الوقتى ..وقال اية المحكمة طلعت ان تصدير الغاز لاسرائيل لا يجوز ومينفعش هى المحكمة دى بتفهم حاجة فى السياسة ..ولاتفهم حاجة فى البتنجان .

الخبرالثانى:اكتشافت القوات المصرية 8 انفاق جدد يرسلون منها غذاء لأهل غزة

يالا العار والتار والفار...شوف العالم دى ياجدع عايزين ياكلوا..مش مكفيهم الاكل اللى اكلوة فى اول السنة ..ولا هما عاملين زى القطط ياكلوا وينكروا..دا كلوا ضرب لما قالوا بس..عايزين اية كمان... وشغل التهريب دة ...بيهربولهم اكل ..مش كفاية كانوا قاعدين يضربوا طانت اسرائيل..طيب مش عارفين يهربولهم حشيش ولا بانجوا كنا قلنا ماشى ...مش يهربولهم أكل ..الحمد لله انهم اكتشفوا الانفاق دى ...لازم نقطع عنهم الماية والاكل والهوا ...وكل حاجة ..علشان دول عالم متختشيش.

بذمتكوا عرفتوا مين اللى محتل مين اسرائيل اللى أحتلت فلسطين

ولا فلسطين اللى أحتلت اسرائيل

لو عرفت الاجابة ...متتصلش علشان التليفون اتسرق..بعد موضوع الحرامية على طول

الواحد معدش عارفة هى بقت الاصل السرقة...والناس الشريفة معدش خالص..ربنا يستر علينا يارب