مقدمة فك الذنقة

يالا بسِملة كدة معانا ..الواحد مننا بيتعرض كل يوم لحاجات غريبة جدا فى الدنيا دى على راى المثل "جات الحزينة تفرح ملقتلهاش مطرح" ...لا لا قصدى .."اللى يعيش يما هيشوف"

المهم..الحاجات فى واحد يشوفها يطنشها ...وفى ناس بتوفشفها...مبتعرفش تمسك نفسها..زيى انا كدة..علشان كدة ان قولت افك معاكوا زنقتى ..ومحشش يبفهمنى صح...قصدى غلط

يعنى مالاخر كدة...احنا هنتكلم عن كل حاجة مش عجبانة ...سياسى اقتصادى اجتماعى ...حتى ثقافى ...وطبعا الثقافى هى الثقافة المعروفة...علشان لو واحد نيتة مش سلكة ولا حاجة

بس واحنا على البر كدة اللى بيخاف يروح...علشان احنا مش هنسيب حد فى حالة ...واحنا بالصلاة عالنبى كدة...مبيهمناش حد..لاتقولى حكومة ولا امن دولة..ولا حتى السى ان ان ...مع ان السى ان ان ملهاش دعوة بحاجة بس برضة ...احنا مبنخافش من حد ...ولو استعانوا بالمارينز الامريكانى كمان ...

ملحوظة:اى حد تبع المخابرات وأمن الدولة...ياباشا انا بهزر ..ومتاخدش على كلامى..دى لزوم الرسم بس...على اساس ان انا"ليوناردو دافينشي"...وانا بحب الحكومة...وبلادى بلادى لكى فرخة عند مراتى ...ابفوا عدوا خدوها ياباشا

نرجع لموضوعنا ...اللى عايز يبقى معانا ...يقول احنا معاك ....واللى مش عايز يبقى معانا...يقول برضة احنا معاك
وكلة يفك معانا...يالا نطلع الشحنات اللى جواك ...لان الموجب لو جة مع السالب هيقفشوا...يالا سلام

نتقابل فى الحلقة الاولى ....انتظرونا