مواضيع جديدة

الأربعاء، 2 سبتمبر 2009

امريكا طلعت القمر ولا طلعت شبرا

فى 12ابريل 1961 راح يورى جاجارين ولف حولين الارض فى الفضاء الخارجى ودى كان اول واحد يعمل كدة ...وزاد بعد الموضوع دة قوة للاتحاد السوفيتى على منافستها ان ذاك وهى امريكا ..فطبعا امريكا قالت هنعمل اية فى الموضوع دة ..لازم يبقى لينا سبق احنا كمان علشان نقدر نتفوق على الاتحاد السوفيتى ..قام جاى جون كندى واخدة الحماسة وطلع قال "بأن على الولايات المتحدة ان تعمل على ايصال الانسان الى سطح القمر واعادتة بسلام قبل نهاية العقد الحالى" والكلام دة كان بعد لف جاجارين حوالين الارض بحوالى شهر يعنى يوم 25 ابريل.


واللى مسكت الموضوع دة هى وكالة ناسا ...وطبعا قعدت تعمل محاولات ومحاولات علشان تتطلع القمر فى نهاية العقد لان كان لازم دولة تقع من الدولتين اما الاتحاد وامريكا .

بس هما فشلوا واثبتوا فشلهم فى سنة 1967..لما ثلاثة رواد ماتوا فى الفضاء –فيرجيل جريسوم وايد وايت وروجر شافى- ودة زاد من سؤ شكل امريكا امام العالم وخاصة قدام منافسها الاتحاد السوفيتى ...و لم يتبقى على نهاية العقد الا 3 سنوات .


جأت وكالة ناسا فى 20 يوليو 1969 ووضعت اول انسان على القمر وهو نيل ارمسترنج..على المركبة ابوللو 11 ..ودة قبل نهاية العقد بخمسة اشهر فقط ...وكان نقطة تحويل للعالم.


ورغم كدة فى ناس كتير مصدقتش الموضوع دة ..وقال انها حكاية مفبركة ..وقالوا بأن ناسا الفتها علشان التنافس التكنولوجى مع الاتحاد السويفيتى ..وعلشان وعد كيندى اللى قالة فى اول العقد ..واشار الى ذلك الى ان هناك ستة فى المائة من الامريكا لم يصدقوا ذلك ..و 25 فى المائة من البريطانين لم يصدقوا ايضا ذلك ...وطبعا احنا هنا فى مصر صدقنا لان اى حاجة من الغرب يقولها بنصدقها على طول ..ومعندناش لحظة تفكير واحدة

طبعا السؤال اللى بيدور فى راسك ..طيب الصور دى منين؟؟

الاجابة فى انهم صورا دة فى صحراء فى امريكا ..او فى استديو عملينة والكلام دة مش عندى دة تصريح من CNN اكبر وكالة اعلامية فى امريكا

كمان فى ادلة على ان الصور دى مش من على القمر .

· الدليل الاول: صورة العلم الامريكى كان يرفرف على القمرودة طبعا علشان فى هواء بيحركة ..الى ان الاثباتات العلمية اثبتت ان مفيش هواء على القمر..الا لو كانوا واخدين معاهم مروحة توشيبا العربى وحطينها جنب العلم.


· الدليل الثانى: خيال الرواد .. اللى كان داخل فى بعضة ومش متوازى ..ودة بيأكد على ان هناك مصدر غير طبيعى للضوء يعنى مثلا لمبة نيون ..او لمبة موفرة من ام 15 جنية



· الدليل الثالث:تصوير الرحلة تصوير فيديو كان تصوير ملوش حل .. مع ان معظم التصوير اللى فى الفضاء بيبقى ردئ بسبب قلة التقنيات فى هذا الوقت.

· الدليل الرابع: فى اشعة على القمر قاتلة للأنسان اسمها ""Van Allen وموجودة فى الفضاء وبتسبب تساقط للشعر ثم تقرحات بالجلد ثم سرطان ثم موت.

· الدليل الخامس: المكوك لما نزل معملش اى عفرة طلعت ولا اى حاجة من دى ولكأنة نازل على حتة مسفلتة

· الدليل السادس مفيش ولا نجم فى الصورة ...الظاهر كدة النجوم كانت واخدة اجازة يوميها


دا غير فى ادلة كدة كتييير جدا غير دى بس انا اكتفيت بدى ...يعنى معظم الادلة بتثبت انهم لا طلعوا القمر ولا طلعوا حتى شبرا


كل اللى مضايقنى من الموضوع ان فى مدرس ضربنى عصيتين من عشر سنين علشان مكنتش حافظ اسم اول واحد هبط على القمر .. دلوقتى بعد ما اثبتنا انة مطلعش على القمر ...اخد خقى منة ازاى بقى .


8 فكوا معايا:

Miss Sama يقول...

بسم الله الرحمن الرحمن الرحيم

انا كنت سمعت الموضوع ده من زمان اوى يا مصطفى من يجى بتاع عشر سنين كده

وده ان دل على شئ بيدل على ان الامريكان دول اصلا بتوع مصالح ومنظره وخلاص

والادله كلها مقنعه فعلا

بس انا مش فاهمه موضوع النجوم ده ايه علاقة النجوم بالموضوع

والحاجه الجميله اللى افتكرتها وانا بقرا موضوعك برضه موضوع درس العلوم بتاع سنه رابعه ابتدائى مين اول واحد هبط على سطح القمر وانا اصلا مكنتش بحب اسمه رائد الفضاء ده :D

د. ياسر عمر عبد الفتاح يقول...

قريت الكلام ده كثير قبل كده
وبصراحة أنا مش مصدقه أوي
صعب أوي الكلام ده

شوكولاتة يقول...

البوست حلو قوي وبيثبت ان الأمريكان دول غلبو المصريين في الفهلوة يعني من الآخر هما فنجرية بق
وبخصوص المدرس ارفع عليه قضية خليهم يحرموه من الكادر
هههههه
سلااام

Unknown يقول...

طيب دا المرة دى
طيب بعد كده فى حد طلع ولا لا

غير معرف يقول...

إن شاء الله هيبان ألاعيبهم كمان وكمان

جزاك الله خير على التوبك

almasry يقول...

الادله مقنعه جدا


بس هما مش منعوا الضرب فى المدارس ؟؟؟


انا بتريق انا كنت يوميا بضرب



سيبك انت المهم انت طلعت صح فى الاخر


ورمضان كريم



تحياتى
المصرى

ابو المفاصل الواصل يقول...

كل عام ولنت بخير
تحياتى

شركة تسويق الكترونى يقول...

شركة جلى بجدة
شركة جلى رخام بجدة
شركة جلى بلاط بجدة
شركة جلى بورسلين بجدة
شركة جلى سيراميك بجدة بجدة
شركة نظافة بمكة
شركة نظافة عامة بمكة
شركة نظافة الاسطح بمكة
شركة نظافة شقق بمكة
شركة نظافة فلل بمكة
شركة نظافة الارضيات بمكة
شركة نظافة المطابخ بمكة

ترتيبى