خبرين تحت بعض خلونى اكلم نفسى
الخبر الاول:زيادة نسبة تصدير الغاز الى اسرائيل الى 50% وبنفس السعر
فعلا يعنى اصل انتوا عارفين ياعينى على اسرئيل دى مقطوعة من شجرة وملهاش حد يمولها واية يعنى لو نزودلها شوية غاز مهو مرطرط عندنا اهوة ومش عارفين نودية فى حتة والفلوس مش مهم ..مش الشعب مرتاح اخر راحة ..ومن كتر الراحة بقى بيكلم نفسة ..وبعدين متنسوش دى جارتنا ..والنبى وصى على سابع جار ..زود ياعم ليهم كدة ...وخليك كريم كدة وبلاش جو البخل اللى انت عايش فية دة..والطب اتقدم الوقتى ..وقال اية المحكمة طلعت ان تصدير الغاز لاسرائيل لا يجوز ومينفعش هى المحكمة دى بتفهم حاجة فى السياسة ..ولاتفهم حاجة فى البتنجان .
الخبرالثانى:اكتشافت القوات المصرية 8 انفاق جدد يرسلون منها غذاء لأهل غزة
يالا العار والتار والفار...شوف العالم دى ياجدع عايزين ياكلوا..مش مكفيهم الاكل اللى اكلوة فى اول السنة ..ولا هما عاملين زى القطط ياكلوا وينكروا..دا كلوا ضرب لما قالوا بس..عايزين اية كمان... وشغل التهريب دة ...بيهربولهم اكل ..مش كفاية كانوا قاعدين يضربوا طانت اسرائيل..طيب مش عارفين يهربولهم حشيش ولا بانجوا كنا قلنا ماشى ...مش يهربولهم أكل ..الحمد لله انهم اكتشفوا الانفاق دى ...لازم نقطع عنهم الماية والاكل والهوا ...وكل حاجة ..علشان دول عالم متختشيش.
بذمتكوا عرفتوا مين اللى محتل مين اسرائيل اللى أحتلت فلسطين
ولا فلسطين اللى أحتلت اسرائيل
لو عرفت الاجابة ...متتصلش علشان التليفون اتسرق..بعد موضوع الحرامية على طول
.jpg)
13 فكوا معايا:
عندك حق والله يامصطفى
مش عارفين مين اللي محتل مين
وكمان موضوع الغاز ده اللي يجنن فيه
ان لما المحكمه اصدرت قرار بمنع تصديره لاسرائيل
الحكومه المصريه استانفت وبتعترض على القرار وبشده مع ان المفروض اسرائيل هيا اللي تستانف
بس هنقول ايه ؟!!؟؟ دنيا العجايب
موضوع جميل جدا يامصطفى
دايما بتناقش في موضوعاتك قضايا مهمه جدا
دمت مبدعا دائما وابدا
تحياتي
ايه ده
انا معرفتش اربيهم اصلا
غيرش بس الواحد طيب ومكنش بيرضى يمد ايده عليهم
هي دي اخرة الدلع
ههههههههههههههههههههه
موضوع جميل قوي
بس اتفرست من خبر زيادة نسبة تصدير الغاز دي
ربنا على القوي والمفتري يااااااااااارب
ربنا يستر فعلا احنا بقينا تايهين
الواقع ان فلسطين هى اللى محتلة إسرائيل
المفروض ان إسرائيل هى اللى محتلة فلسطين
انت بقى عايز تعرف انهى فيهم الواقع ولا المفروض؟؟؟
@_@
والله اخر الأنباء بتقول ان اهواد باراك بيقول انه سيوقفون الاستيطان ولمده 3 شهور من اجل المباني الجديده التي تقيمها اسرائيل بدلا من المباني القديمه وهذا مايعني انهم يبدلون المباني القديمه للمواطنين الاسرائيلين وكله على حساب الحقوق الفلسطينيه
ولكن هل سيصدق العالم ما قاله وزير الحرب الاسرائيلي ؟؟
بعدها سنعرف من يحتل من !
وياسيدي بندعوا لعودة موبايلك سالم غانم ان شاء الله
وشكراً على الموضوع
انا ماحبتش اعلق على موضوع الغاز والانفاق لأن احنا زهقنا كلام فيهم والاراء عنها واضحه وضوح الشمس
ماشى اكتشفت طيب كانت فين وهى بتتحفر علما انه مش عمل سهل عمل النفق بصبة وادوات رفع وكهرباء وغيره يعنى بغض النظر عن موضوع فلسطين يعنى لو الحكومة مش عارفة من الاول ايه اللى بيحصل على الحدود يبقى ايه الممكن يحصل جوه وكميات السلاح اللى كانت مدفونة فى سيناء برضوا بغض النظر عن فلسطين دا صاوريخ يبقى فى البلد مخدرات و رشاشات و غيره اد ايه
sara mohammed
ازيك ياسارة
وحشتنى ردودك من زمان...
واحنا لازم ستأنف لاسرائيل..امال اية
لازم نجبلها حقها
MaNoOoSh
ازيك يامنووووووووووش
هما فعلا مدلعين اوى
عايزيك تش عليهم شوية
*البت المشمشية *حلوة بس شقية
ياررررررررررررب
Sweet Violet
انا لا عايز اعرف الواقع ولا المفروض
انا عايز اعرف سلامتك
محمد عبدالرحمن شحاته
والله انا بفكر يا محمد..اننا نسيهم يبنوا براحتهم
ونقوم نطين عليهم واخدين الارض بالمبانى الجديدة
العيسوى الصغير
ياعيسوى انا كنت نايم ساعة ما كانت بتتحفر
السلام عليكم
ربنا يكرم اصلك
يا ريت الي ما يتسمى يفهم حاجة
والله لو بدي احكيلك شو صار فينا شهور من قطع الغاز ما بيكفيني هدا المكان
مرمطة غير شكل
والي يغيظ انو اسرائيل بجيلها الغاز تقريبا ببلاش
ربنا يكون فالعون
إرسال تعليق