لما تحل فى مادة مية مية ...وتشيلها
يبقى انت اكيد فى جامعة المنصورة
لما تحل فى مادة زى الزفت..وتقدر فيها
يبقى انت اكيد فى جامعة المنصورة
لما تكون بتشرح مادة لاصحابك..وتجيب اقل واحد فيهم
يبقى انت اكيد فى جامعة المنصورة
لما تلاقى دكتور معقد نفسيا..غايتة ان يسقط الطلاب
يبقى انت اكيد فى جامعة المنصورة
لما تجيب كتاب الدكتور وتذاكر منة...ومتفهمش حاجة
يبقى انت اكيد فى جامعة المنصورة
لما تجيب ورق خارجى وتذاكرة ...وتفهم المنهج
يبقى انت اكيد فى جامعة المنصورة
لما تختار النجاح والعلم بجد..وتلاقى كل اللى حواليك بيفشلوك
يبقى انت اكيد فى جامعة المنصورة
لما تبقى متفوق مادة طول عمرك ...وييشيلوهالك فى الكلية
يبقى انت اكيد فى جامعة المنصورة
لما تلاقى كلية ..مبتدكش تقدير ..لانك هتدفع اقل لو جبت تقدير
يبقى انت اكيد فى جامعة المنصورة
لما تحضر محاضرات وسكاشن وتلتزم ...وتفشل
يبقى انت اكيد فى جامعة المنصورة
لما تفكر وتضيف جديد...وكل اللى حواليك عايز الثابت
يبقى انت اكيد فى جامعة المنصورة
لما تلاقى نفسك قاعد فى مدرج المهدى وحواليك عشرة الاف واحد
يبقى انت اكيد فى جامعة المنصورة
لما تلاقى الجمال ..هو اقبح شئ
يبقى انت اكيد فى جامعة المنصورة
لما تلاقى العجب والصيام مع سمير رجب
يبقى انت اكيد فى جامعة المنصورة
لما تكون جعان ..تقوم تروح للبغل
يبقى انت اكيد فى جامعة المنصورة
.jpg)
14 فكوا معايا:
هههههههه
المفروض
يبقي إنت في جامعة مصرية
لول
اشطة يا مصطفي
انت كمان في تجارة
فل يا ريس
بس المهدي ذات نفسه حبيب الشعب
لو كنت رجعت للناس الخبرة اللي زيي كنت فدتك
بس دي مسئوليتك اشرب بقي !
هههههههههههههه
بعد الكلام ده كله
عليه العوض بقى في جامعة المنصوره
لا واضح انك عانيت كتير
يللا هانت فات الكتير
ههههههههه
اظن كل دة مش فى جامعة المنصورة دا فى كل جامعات مصر
يبقى انت اكيد فى مصر
يبقى انت اكيد اكيد اكيد في جامعة المنصوره
ومدرج عساف بالتأكيد
لكن حكاية التقدير دي فيها أقوال كتير
يعني مثلاً لما ما تبقاش فاهم الماده وتجيب تقدير ولما تبقى فاهمها وتشيلها وفي روايه " حافظ الكتاب من الجلده للجلده" وتشيلها يبقى انت اكيد في تجاره المنصوره
صدق من قال ان تجارة المخدرات افضل من تجاره المنصوره
رغم ان دي 25سنه ودي 4 سنوات بس
لكن الفرق هنا في كمية الذل اللي الطالب بيشوفه
ربنا يقوينا ونتخرج منها على خير
هما حاجتين بتمنى ينتهوا بسلام
الدنيا والكليه
ههههههههههه..هي المنصورة بس
يا باشا هو احنا خرجنا من أفضل 500 جامعة علي مستوي العالم من فراغ
:(
تحياتي
ههههههههههههههههه دا كله يبني مش المنصوره بس
ربنا يبشرك
دانا لسه جديده ف جامعه المنصوره
ده جامعه المنصوره تعتبر ما الجامعات
اللى الكويسيه
امال الوحش يبقا ازاى
بس انت عارف البغل ده له زكريات معايا
زكريات هباب
هو والحجاز
هههههههههههه
مش انا من المنصوره بس ياخسسسسسساره مشوفتش الحجات دى اصلى درست فى عين شمس:))
بس على فكره انت بتتبلى على جامعه المنصوره اه انا كنت بنزلها مع اصحابى اتفسح يعنى والله جميله وتعتبر من اجمل وانضف الجامعات من حيث المنظر طبعا:))
ههههههههههههههههههههههههه
قلبت عليا المواجع يا مصطفى
استنى بقى اكملك بقيت المواجع
لما تشيل ماده وتشيلها ظلم والدكتوريعتذر في المدرج قدام كل الطلبه ويقولك هعوضالهالك يقوم يرفعك في المادة التانيه على يبل التعويض فتشيل مادة تانيه خالص انت اصلا ناجح فيها
يبقى انت اكيد اكيد في جامعة المنصور
لما دكتور يكون بيديك مادة وتفاجىء بعد شهر ان دكتور تاني مسك المادة بعد مشتريت كتاب الاولانى يايعنى
يبقى انت اكيد في جامعه المنصورة
لما تاخد محاضراتك في عشة فراخ يبقى يبقى انت اكيد في جامعه المنصورة
لما تحضر محضرة وتضطر تقعد على الارض لان مفيش مكان تعد فيه
يبقى انت اكيد في جامعة المنصورة
وبعدين انت زعلان من مدرج المهدى ليه دا حتى في مراوح ههههههههههههههه
ربنا يعينك يارب وتخلص على خير
ههههههه على فكرة مش فى المنصورة بس فى كل مكان كده يعنى هى دى سمة الجامعات المصرية بتتخرج بالبركة
و لما تشيل مادة سنتين عشان درجة يبقى انت ف جامعة المنصورة و الله انتى جبت الخلاصة يا برنس و فكك من التعليم على راي جروب الساقطين هههههههههه
السلام عليكم
ما هي جامعة المنصورة جزء من مصر
ولما ده كله يحصل يبقي أنت أكيد لسه في مصر
مش تقلق من شئ
الحاجات دي بتحصل في كل الجامعات تقريبا
كل سنة وانت طيب بمناسبة شهر رمضان
هو دا الانفراد
لازم تكون منفردة فى ذل الطلاب
والا هتفشل
مش الطلاب
لا الجامعة
هتفشل فى كسر روحهم
إرسال تعليق