رغم إنى قولتلة .. خلاص الموضوع خلص..بس هو برضة مفيش فايدة فية.
هقولكوا الحكاية ..انا لما عرفت ان أوباما هيتكلم عن حقوق المرأة ..زى ما قولتلكم فى البوست اللى فات..أمُت جاى عامل حركة مجدعة ..أول ما جة اوباما مصر وشغل خط الاتصالات بتاعة ...قمت متصل بية (مع ان الدقيقة ب40 قرش)قطمة وسط يعنى ..بس اتشجعت واتصلت..والمكالمة كان شكلها كدة.
الصورة اللى فوق مش انا...دا واحد تانى..والتانية وهو بيكلمنى
مصطفى: أوباما ..حبيب هارتى
أوباما:تمام الحمد لله ...ممكن اعرف مين معايا
مصطفى: بقى مش عارفنى ياراجل...دا انا كدة هزعل
أوباما:لا والله معلش اصل ..الارقام على الشريحة التانية ..ومش واخد بالى من الصوت
مصطفى:ماشى يارايس..كبرت علينا بقى..انا مصطفى بتاع مدونة فك زنقة
أوباما:ااة..مصطفى ....ازيك يا مصطفى وحشتنى ووحشنى موضوعيك الحلوة..انت فين يابنى من زمان
مصطفى :انا موجود ..بس انت اللى نسيتنى..بقولك اية علشان معطلكش ..وانا عارف انت جاى 8 ساعات بس..فاكر موضوع الرجالة عقلهم كبير
أوباما:ايوة..صحيح انا كنت هرد عليك فى الخطاب بتاعى النهاردة على الموضوع دة ...انت عايز تودينا فى داهية.
مصطفى ..اسمع بس..انا بعدها نزلت موضوع اسمة الستات عقلها كبير..واعتذرت فية ياعم..وخلاص بقينا اخر تمام..والحريم كلهم انبسطوا منى ...والموضوع انتهى...فمفيش داعى تعمل قلق بقى وضجة ...علشان هتخلع من هنا ..وانا هترمى فى المعتقلات من هنا.
أوباما:ياخبر لية ياراجل..بس الخطاب اتكتب خلاص ...على العموم انا مش هجيب اسمك انا هتكلم عن الموضوع بشكل عام ..ومش هجيب سيرتك خالص..كدة قشطة
مصطفى :خلاص قشطة...وابقى سلملى على هلارى
أوباما..اية احنا مش هنشوفك فى المؤتمر ولا اية
مصطفى:لا ياسيدى مجاليش دعوة ..وبعدين انا لسة هسافر..على العموم انا هشوفك من التليفزيون
أوباما:ماشى يادرش ..مع انى كنت عايز اشوفك بس يالا خير
مصطفى:المرة الجاية بقى...سلامووووووووز
أوباما :سلاموووووووز
وانتهى الحوار لغاية كدة ... وقفل السكة ..واحد حدق يجى يقولى "هو اوباما بيتكلم عربى"..هقولة ياحدق..دى الترجمة بتاعة المكالمة .
.jpg)
17 فكوا معايا:
احجز الاول
بس الدقيقه ب 40 قرش مش كتير
وبعدين الراجل كان عاوزك تروح المؤتمر ويشوفك
وبعدين انت اتكلمت عن الرجل
ورجعت اتكلمت عن المرأء
عملت مساواه وتوازن ميزان مدفوعات خلاص
لا زمته اه القلق وتقوم الحريم تاني
عموماً في المكالمه الجايه ان شاء الله
ابقى خليه يشوف لينا عقد عمل في اليونان
سلام ياصاحبي
يا راجل الدقيقه ب 40 قرش
حرام عليك .......
بقى خساره فى اوباما 40 قرش
بس سيبك انت احلى ترجمه والله
بوست خفيف جدا
دمك عسوله بجد
تحياتى .... وبالنجاح ان شاء الله
عاشقه الاحزان
جوجو
طيب يللا وانا كمان مستنية اجابات التاج
وبعدين الهجوم الرجالي على الستات
احنا؟؟؟ دة احنا ملايكة.. دة احنا نسمات مهفهفة.. هو فيه زي الستات.. وللا عقل الستات.. وللا حكمتهم.
ههههههههههههههههههه
متقلقش انا كمان ههاجم الستات بردو.. بس ههاجم الرجالة اكتر منهم (وش بيطلع لسانة)
ههههههههههههههههههههه
البوست لذيذ قوي ودمة خفيف على فكرة
وربنا معاك فى الامتحانات ان شاء الله
ياااااااعينى ياابن مدينتى دا الامتحانات بهدلتك خاالص واضح واضح....باه كلمت اوباما ايه النداله دى طب قوله شيما بتسلم عليك وبتقولك زود البيتى فور كتير فى الخطاب اصل احنا الشعب يعنى بنحبه جداااااا.اباه نام كويس بعد كده يادرش معلش حلم ويعدى
ههههههههه
بقي أوباما معرفش صوتك
تصدق أنا طول عمري بقول الواد ده مش جدع
تصدق من ساعة ما مسك أمريكا متصلش بيا ولا مرة؟
ولا حتي ميسد ..!!
ده حتي لما جه مصر معداش عليا في البيت
لو شفته تبقي قوله إنس زعلان منه يا درش
:)
نفس الفكره تخيل؟؟؟
http://eng-mostafa.blogspot.com/2009/06/blog-post_3958.html
بس انا كاتبها من 6 ايام
ده توارد افكار ولا الفكره عجبتك فعملتها
وانا باقول اوباما قال كلام كويس على الحريم وحريتهم الشخصية والحجاب
اتاري انت السبب
تسلملي
اول تاج فى حياتك؟
ليه كده؟انت بقى لك
اد ايه فى عالم البلوجرية ده؟
على العموم لما تخلص امتحانات وتجاوبه
ابقى قول لاوباما وهو يبلغنى :)
مــــــــــــاشى؟ماشى:)
محمد عبدالرحمن شحاته
اعم دة كنا بنصفى ..حبة حسابات
المهم ...اول ما اكلمة هبقى اقولة يجبلك عقد عمل فى كورارمبور...احسن من الويونان الوقتى
gogo!sf
ياجوجو...40 قرش فى 40 قرش ...هياخد عليها ...وبعد كدة يخلينى اتصل بية على طول ..ويقعد يتحجج ويقول ان رئيس ومش فاضى اتصل.
لازم نعلمهم الادب من الاول
نورتى ياجوجو
MaNoOoSh
احنا؟؟؟ دة احنا ملايكة.. دة احنا نسمات مهفهفة.. هو فيه زي الستات.. وللا عقل الستات.. وللا حكمتهم.
اة انتى هتقولولى ..على انهم نسمات
الكلام دة كان زمان ايام ستى وستك كدة
هههههههههههه
نورتى يامانوش
الشعب لابد له من حكومه تشكمه
هى المتحانات لسة عملت حاجة دى فى الاول بس كدة ..لسة مضاعفات بقى ودنيا.
بس لما انان يا شيمو اغطى صابعى الصغير ولا لأ
نورتى يا شيماء
د. ياسر عمر عبد الفتاح
اة يا دكتور العالم دى كدة ..لما تكبر متعرفش حد ...جا ختى ما بعتش كلمنى شكرا
الحاجة الوحيدة اللى بعتهالى
سلفنى .شكرا
جاى يستلف كمان
مصطفى أبوزيد
انا فعلا تعجبت جدا لما شوفت الموضوع بتاعك..
لانى انا مشوفتش مدونتك قبل كدة الا بردك
والموضوع كا تكملة لموضوعين قبل كدة
نورتينى يا مصطفى
أحمد سعيد بسيوني
يالا بقى خليهم ... ياخدوا حقوقهم
ويريحونا بقى..بدل الصداع دة
نورتنى يا احمد
norahaty
يعنى بقالى حوالى كام شهر بس
يعنى جديد فى الكار لسة
ومالة هخلى اوباما يقولك على طول
إرسال تعليق