مواضيع جديدة

الأحد، 20 ديسمبر 2009

لمؤخذا ..انا مصرى



منذ ان نزلت الى هذة الدنيا ودخولى على ربع قرن ...لم أرى او اعرف فى حياتى اى شئ يسمى رئيس بتغير..حتى كنت اعتقد ان الرئيس هو انسان بيفضل ماسك على طول لا يتغير ولا يستبدل .. ولكنى بعد ان كبرت ووجدت هذة الصفة الغريبة الموجودة عند الغرب ..ان هناك رئيس يتغير كل 4 سنوات او لما يزود يبقى 8 سنوات ..فى الاول لم ادرك الامر واعتقد انهم يوهمننا بكلام فاضى .. وانها مؤامرة علينا .. وبدأت اسأل عن معناها فى القاموس الا اننى وجدتها هو" ان يقوم الرئيس بترشيح نفسة ويقوم اخرون بترشيح انفسهم معاها ..والشعب يختار من بينهم الشخص المناسب "..هذا كان فى القاموس ..الا اننى ما رأيتى شئ اخر تماما ..فوجدت "الرئيس يرشح نفسة ويقول لبعض من الاحزاب الاخرى يختارو واحد من بينهم يترشح امامة ..وبعدين الناس اللى امامة يقومون بأنتخاب الرئيس الذى طلب منهم يترشحوا ".. فكانت اول تمثلية يبدع فية المخرج وتيجى على القناة الاولى .. لذا اردت ان اخرج من هذا العالم الواقعى الملئ بالسيناريوهات والمخرجين فى كل مكان ..لإتخيل عالم اخر .. تخيلت –مجرد تخيل والله- ان حدث مايسمى بانتخابات عندنا وكانت نزيهة-لا قدر الله- واترشح كذا واحد والناس راحوا وانتخبوا واحد منهم ..شكل جديد فى السلطة ..ومسك البلد شخص من المعارضة الحالية .. والدنيا اتحولت بقى ..يعنى تبقى صحيفة الاهرام والاخبار والجمهورية صحف معارضة وتجد الاستاذ سمير رجب بدأ مقالة الجميل بـ"ولا تحسبن الله غافلا عما يعمل الظالمون انما يؤخرهم ليوم تشخص فيه الابصار "سورة ابراهيم الاية 42.

وتجد جريدة الدستور والاسبوع اصبحت جرائد حكومية ..ويصبح مقال الاستاذ ابراهيم عيسى مدح فى الرئيس الجديد .
تخيلت ان النظام الجديد الذى سيحكم سيحل مشاكل الناس الضعيفة والشقيانة طول الليل والنهار .. من مشاكل مادية الى رغيف عيش معفن لا تستطيع الوصول الية الى المناطق العشوائية التى تملئ مصر..ومشاكل مصر كلها تتحل والحياة يبقى لونها بامبى ..مع ان ذلك هيضطر الى غلق برامج التوك شو ويمشوا يبعوا بطاطا على النيل.

فتحت قناة الاخبار فوجدت خبر بيقول"قام الرئيس الفلانى رئيس جمهورية مصر العربية "..واجد صورة غير الصورة المعروفة ..واسم غير الاسم ..وان اجد شخض يسمى رئيس سابق ..والحياة بقى فيها اختلاف.

استغفر الله ..استغفر الله ..لازم اقوم من هذا الكابوس المزعج ..واحلام الياقظة اللى انا بشوفها دى .. واتصدم بالواقع اللى انا فية ..حتى اصل الى النتيجة الحتمية والمعروفة وهى ..انك مصرى ولا يمكنك التفكير ولا ان تحلم فى هذة الاحلام ..فهى احلام بعيدة المنال ..بل قد تكون مستحيلة .. بل قد يكون التفكير فيها فقط ..او رؤيتها فى المنام ..يزج بك فى السجن ...ويظل السؤال يطرح عليا يوميا .."لو سألتك انت مصرى تقولى اية ..تقولى مصرى متنيل على عين اللى خلفونى "..وتظل بنت الحاج عجرم تذكرنى بهذة الحقيقة المرة ..حتى اعتقدت انها تذلنى بأنى مصرى .

هذة نشرت بمجلة شخبطة العدد الاول

11 فكوا معايا:

خواطر شابة يقول...

ههه ماكل هذه السوداوية أكيد الصورة ليست كلها قاتمة ابث عن نقط مضيئة وتمسك بها والا ستصاب بالاكتئاب هذا ان لم تكن اصبت به بعد
كل سنة وانت طيب وبخير وان شاء الله بكره يكون احلى
تحياتي

ستيتة يقول...

الحمد لله انك قمت من النوم
معلش هو مية مرة استغفار وتلاقي نفسك كويس جدا
ههههههههههههههههههههههههه

انا كل ما احلم نفس حلمك
اقول لحسن أدخل البتاع ده اللي اسمه المزرعة اللي جنب محطة مترو طرة
قوم افوق والطش نفسي قلمين واعود لأرض الواقع
واقول لمؤاخذا انا مصري .. استغفر الله

الشعب لابد له من حكومه تشكمه يقول...

هههههههههههه البوست ده حلو اوى يادرش:)

بجد بجد حلو,عاجبنى:)

بالمناسبه دى احب اسمع اغنيه:
لو فين متروح فداك,70 مليون ورك(طبعا عمرو دياب مكنش يعرف ان عددنا باه 80 مليون)

حـــلـــم كـــان يقول...

معتش تتخيل تانى يامصطفى

قوم طس وشك بشويه ميه وفوق ياعم

Cute Kitty **sookra يقول...

لامؤاخذه يامصطفى
قوم يابنى كدا واقرى المعوذتين وانت تبقى تمام
صباحك شيكولاته مادمت انت موش مصرى
ههههههههه

Unknown يقول...

هههههههههه
انت تبع مين
!!!!

الجواز و سنينه يقول...

فى الاخر طلع حلم خير اللهم خير
عليك و على 0900
و همه هايفسرولك الحلم ده

و خير اللهم اجعله خير

حـــــروف متــبعترة " عــمرو الشــايب يقول...

ان الدستور قد اباح لاى مصري الجنسية لغ ال 40 سنة ان يرشح نفسة حسب المادة قبل التعديلات الدستورية عام 2006 ( مبلتش صباعك ولا اية ) التعديلات الى اتملت كان فية شروط لازم كل واحد يجيب عدد اصوات معين من مجلس الشعبيقترب من 2/3 ( الحزب الوطني لا محالة ) و اصوات من المجالس الشعبية المحلية ( وطني و طني و طنطن ) و لازم يكون عدى على الحزب بتاعة 5 سنوات و يكون لة كراسي ف مجلس الشعب و يكون لو مش رئيس يكون ماسك حاجة مهم لجنة تنظيم و سياسات .... اتمنى ان تكون فكرتي و صلت

ام الاستاذ الكبير ابراهيم عيسى فهو الان على مشارف من اينال قسط من الحرية و ان يهاجم لبضعةة ايام الاسرة الحاكمة و ان يهدء و يلطف الاجواء حتى لا يكون مصيرة الاعتقال و ما ادراك ما الاعتقالات السياسية ف ظل هذة الحركة من التوتر و القلق التى تسود مصر من شمالها لجنوبها و شرقها و غربها
ان الموضوع الذي تتحذ في يا اخي لابد و ان تكون ملما بالتعديلات الجديدة و النظم السياسية في العالم لانك قد تنقد دون مستند بذلك اخشى ان يكون كلامي قد اخجللك و لكن اذا اردت ان تنشر ف مجلة فغلابد و ان تكون محاورا جيد

انتظروا مجلتنا ( دلتا مصر ) مجلة وموقع و وكجلة اعلانات قريباااااااااااااااااااااااااااااااا

الغاردينيا يقول...

هههههههههه

حلووووووووووة

عجبتني عبارة بنت الحاج عجرم قعدت

افكر تقصد مين لحد ما فهمت ^_^

الحلم دا او يمكن الكابوس دا مش

مصري بس دا كابوس عربي للاسف !!

للاسف ان دينا بيقول ان الحكم شورى

وابو عرب خلاه كوره !

لك التحية

gogo!sf يقول...

كل سنه وانت طيب يا مصطفى

عام سعيد عليك وعلينا وعلى الجميع ان شاء الله

ميدو مشاكل يقول...

حلوة يا مصطفى بس الحلم بقى حقيقه وخلعنا حسنى

ترتيبى